禁止拍照 OLYMPUS DIGITAL CAMERA
禁止拍照 OLYMPUS DIGITAL CAMERA

日本制霸:龍友末日 京都紅葉名所 禁止拍照

旅遊

廣告

失格旅人終於自作自受,為影相問題而不勝其煩的京都人大反擊了,不止石塀小路面將會 禁止拍照 ,今年有不少紅葉景點(特別是寺廟)亦都下了禁拍令,只許看不許拍,慣了相機影先的龍友末日到啦!

京都每年都會吸引過百萬人去觀賞紅葉,人多就煩,唔止人迫人,間中可以見到外國人為自拍而攀樹爬高扯樹葉,唔單止破壞景點,仲為自己及他人帶來危險。當地景點如清水寺等禁用腳架影相已不是新鮮事,今年再下一城,如東福寺就在指定日子(11月12至30日),禁止在寺中的天橋、臥雲橋使用腳架、手提電話、相機又或自拍棍拍攝,雖則大條道理驚在橋上影相有危險 (怕人擠人、墮橋云云),但當地其他紅葉景點也爭相仿傚,借機整頓觀光客的禮儀。

場內攝影禁止︰大德寺黃梅院、飛雲閣、醍醐寺三寶院、大德寺大仙院、曼殊院門跡、地藏院、源光庵、寶泉院

部分地方禁止拍攝︰上賀茂神社、岩倉實相院

幾乎年年都會到京都為紅葉取材,老實講,好多寺廟其實平日只供善信入內參拜,只是在櫻期、紅葉期間作有限度開放。清靜之地,一下子湧來大量遊客,有時仲為爭位問題而爭拗,確實為當地人帶來困擾,畢竟寺廟本身不是觀光地,兩相取捨,有些小的寺廟索性閉門不開。

你不仁我不義,決定攬炒嘅京都人果然夠狠,不單是外國人,就連當地日本人都包括在整頓範圍內。。實行禁拍令,大家不用再在紅葉景點為打龍爭位磨爛蓆。

不過有日本網民提出,禁拍令很難在人流很多的時候執行,即使有人無視規距偷拍,難道管理人員可以即時出來趕人?禁拍令,其實都是靠自律及群眾壓力來阻嚇,大家都係專心睇,在回憶中打卡,唔好佗衰家再令當地人反感啦!