$50掃街食到飽!10款長洲「大件夾抵食小吃」試食報告!


長洲的大魚蛋出名到街知巷聞,相信去過長洲的朋友都吃過,只不過除了大魚蛋之外,你仲知唔知長洲仲有其他巨型食物?以下10款大件夾抵食的長洲街頭小食,件件大件、件件平!三幾個朋友Share,$50 就食到肚滿腸肥~不過咁出名,係咪真係咁好食先?記者今次稍稍深入長洲搵美食,順道做埋個試食報告俾大家參考~

Feature

1. 大1倍!巨人的雞髀

未知大家會否跟小記一樣,平時吃茶記或是小食店的雞髀,食到最後永遠都唔夠喉,覺得如果雞髀再多點肉再大一點就好了。這個願望原來可以在長洲這家小食店實現!這裡賣的雞髀件件都比平常的大,建議不要獨自吃一份,不然你肚子就裝不下其他美食了!

雞髀$25/件
與普通茶記的雞髀相比之下,這裡的雞髀明顯地大一個碼。
鹵水雞髀(右)$25/件

好味度:4/5
大件度:5/5
抵食度:4/5
記者點評:
這隻雞髀的過人之處不但只有Size!記者把雞髀輕輕一拉便把雞髀拆骨了,以為雞髀煮得太久,吃下去會好「鞋口」,雞髀口感卻意外地非常鬆軟。不過味道如平常的鹵水雞髀,不感突出。
DSCF3253
新照記茶餐小食店
地址:長洲東灣道18號(顯示地圖
電話:2986 9006
營業時間:11am – 7pm

2. 公仔迷必食!Hello Kitty窩夫/鬆弛熊格仔餅

以明火燒的格仔餅,香港都沒多少間剩下了。老闆說他們用的雞蛋供應商質素非常好,不是這家供應商的雞蛋他們堅決不用,「沒有雞蛋就不賣好了。」霸氣老闆如此說。窩夫份量十足,比記者的手還要大,並有花生醬/煉奶/牛油任加。

DSCF3184
Hello Kitty窩夫/鬆弛熊格仔餅$20/份
用明火煮食爐整格仔餅雖然甚有睇頭,但壞處是難以控制火喉,容易燒焦。
用明火煮食爐整格仔餅雖然甚有睇頭,但壞處是難以控制火喉,容易燒焦。

好味度:3.5/5
大件度:3/5
抵食度:3.5/5
記者點評:
比一般的格仔餅蛋味更濃郁。不過在火喉方面控制較弱,令格仔餅有點焦了,吃下去有點焦味,影響味道。
多多美食(金毛雞蛋仔)
地址:長洲新興海傍街81號地下(顯示地圖
電話:2981 2818
營業時間:星期一至日6am – 10pm

 

3. 芝士迷必食!芝士焗龍蝦

芝士密鋪在龍蝦上,多得把整個龍蝦都淹沒了。老闆稱他們是首家把芝士焗龍蝦引入長洲,並將其平民化的食店。另有芝士焗帶子和芝士焗蠔,同樣受歡迎!是食店的招牌小食!

芝士焗龍蝦$40/隻
芝士焗龍蝦$40/隻
旁邊的芝士焗蠔和芝士焗帶子,同樣是滿鋪芝士,而且件件大份。 芝士焗蠔/帶子 $35/隻
旁邊的芝士焗蠔和芝士焗帶子,同樣是滿鋪芝士,而且件件大份。
芝士焗蠔/帶子 $35/隻

好味度:4/5
大件度:3/5
抵食度:4/5
記者點評:
芝士極多,一口芝士一口龍蝦,高級享受,芝迷必食!不過略嫌焗製時間可以久了一點,表層芝士吃下去有點焦味。相比起來,旁邊食店賣的蠔明顯較細,芝士也較少。好似食大啲多啲芝士人都開心啲喎~

4+5. 天堂與地獄?便便+魚仔燒

食屎啦你~說的其實是這個便便燒!雖然不是以Size取勝,不過只是Gimmick就夠晒爆啦!老闆還細心地提示我們弄好後待一會,就會更好吃。你會想請身邊的朋友吃魚還是吃屎呢?

可選擇有紅包餡或無紅包餡。 便便/魚仔燒 $8/份
可選擇有紅包餡或無紅包餡。
便便/魚仔燒 $8/份

好味度:4/5
大件度:2/5
抵食度:3/5

記者點評:
記者揀了個紅豆味,紅豆不算很多,食到中間先有紅豆。另外旁邊的反斗奇冰也有賣便便燒和魚仔燒,更有紅豆味和奶黃味以供選擇。但未知味道如何,大家食過不如同我們分享一下?

DSCF3198

多多美食(金毛雞蛋仔)
地址:長洲新興海傍街81號地下(顯示地圖
電話:2981 2818
營業時間:星期一至日6am – 10pm

6. 進擊的海鮮?巨蝦棒

巨薯棒就間間都有得食,先不作介紹了。新出的巨蝦棒食過未?這個巨蝦棒即叫即炸,拿上手時熱騰騰的,連殼都可以食埋!另有兩款醬汁配搭。

醬汁分別是千島醬和泰式酸辣醬。 巨蝦棒$20/條
醬汁分別是千島醬和泰式酸辣醬。
巨蝦棒$20/條

好味度:3.5/5
大件度:3.5/5
抵食度:2/5

記者點評:
說實在的記者是因為見佢新出又是巨型食物才被吸引了的。不過拿上手卻發現原來蝦棒只是兩隻蝦併在一起炸,不禁有點失望。其食材食落似是急凍蝦,不甚新鮮。

7. 夏日涼浸浸!冰果葫蘆

同一家店還有冰果葫蘆。同樣地,冰果葫蘆以長取勝,整條冰果葫蘆足足長過30厘米。水果串有提子、桃、菠蘿、西瓜等水果。

冰果葫蘆$18/份
冰果葫蘆$18/份

好味度:2/5
大件度:4/5
抵食度:2/5

記者點評:
急凍水果,要待好久才吃到,而且水果都冰得失去水果味了,買$18其實好唔抵,下次去呢間還是幫襯其巨薯棒最好。

DSCF3211

洲啤工房
地址:長洲東灣道16號(顯示地圖
電話:9281 7755
營業時間:星期一至日 11:30am – 7pm

8. 半隻芒果餡!芒果糯米糍

講到巨型不得不提的還有芒果糯米糍!而長洲最有名的莫過於這家芒果王了。見到佢成塊芒果放在糯米皮上,不禁嘩了一聲:「好重本啊!」在旁邊還可以觀賞芒果糯米糍的製作過程,一邊食一邊睇都不錯~

與普通糯米糍的比較,足足大幾倍! 芒果糯米糍 $10/個
與普通糯米糍的比較,足足大幾倍!
芒果糯米糍 $10/個

好味度:2.5/5
大件度:5/5
抵食度:4/5

記者點評:
大件就夠大件,不過食落只覺得食緊芒果,唔覺係芒果糯米糍,皆因糯米皮太薄,缺了口感。記者試過另一家賣的芒果糯米糍其實還更好吃!不過只是個人意見啦,大家參考下就好了。

另一家的芒果糯米糍,Size一樣巨型,但吃下去比較強韌。
另一家的芒果糯米糍,Size一樣巨型,但吃下去比較煙韌。
芒果王店面。
芒果王店面。

勝記小食(芒果王)
地址:長洲天后廟金銀灣金豪閣5-8號地下(顯示地圖
電話:66203004
營養時間:(不定時) 2pm – 10pm

長洲平記店面。
長洲平記店面。

長洲平記
地址:長洲北社海傍路19A號地舖(顯示地圖
電話:5933 7160
營養時間:星期一至日 10am – 10pm

 

9. 超平多餡!$6 紅豆餅

紅豆餅在台灣吃每個$3港幣,但香港閒閒地都要$10,而這裡的紅豆餅只需$6一個,紅豆很多,而且很紅豆煮得很綿,也不會太甜,就算吃一個也不會太膩。

紅豆餅 $6/個
紅豆餅 $6/個

好味度:3.5/5
大件度:2/5
抵食度:4/5

記者點評:
紅豆量多,不過蛋香味略嫌不足,如果餅身再厚一點和焗久一點,讓餅身再乾身一點就更好了!不過只售$6 你仲想點?

DSCF3222
旁邊有座位可以邊坐邊食邊聊天,環境不錯!

故鄉茶寮
地址:長洲教堂路17號地下(顯示地圖
電話:2981 5038
營業時間:星期一至日1pm– 10pm

10. 每日手製!長洲經典大魚蛋

講到長洲,點少得最有名的大魚蛋?不過長洲度度都有大魚蛋,點解仲要介紹先?雖然大魚蛋間間店鋪都有,但唔係間間都好食的啊!這間記者真心推介,試過真係想再食的衝動呢。

大魚蛋 $10/串 白魚蛋 $15/串
大魚蛋 $10/串
白魚蛋 $15/串
每粒大魚蛋都有接近5cm。
每粒大魚蛋都有接近5cm。

好味度:5/5
大件度:4/5
抵食度:4/5

記者點評:
很多地方的魚蛋只有粉味沒有魚味,但這裡的魚蛋,不論白魚強還是大魚蛋都有濃濃的魚味,大魚蛋真係落足料啊!

DSCF3231

甘永泰
地址:長洲新興街106號地下(顯示地圖
電話:2981 3050
營業時間:星期一至六7am – 5pm,星期日與公眾假期:7am – 6:30pm

以上介紹的食物加起來總數也是$150左右,三五知己Share ,$50就可以食到飽了,真有台灣的感覺啊!

 

延伸閱讀:

大埔賞花滋味遊。歎抹茶軟糕多士+ 抵食私房菜

【西灣河】港島有個小士林!8大好味又抵食宵夜推介

最新吃喝玩樂資訊