漢堡扒-meatking-銅鑼灣食乜好
漢堡扒-meatking-銅鑼灣食乜好

巨型一寸厚 漢堡扒 +任食沙律意粉甜品!! 日本過江鐵板專門店 |銅鑼灣食乜好|

飲食

廣告

講起日式鐵板餐,Pepxxr Lxxch 可謂獨佔鰲頭,不過最近就有間日本過江店,前來分一杯羹。Meatking 自2010年在日本開業,原名叫鉄板ハンバーグにっくい亭,獨沽一味賣鐵板厚切 漢堡扒 ,有別於一般快餐店,棄用現成貨,每日用安格斯牛肉新鮮打做,更特別提供重一磅的超巨型 漢堡扒 ,咬開即湧出海量香濃肉汁,輕易迷倒一眾食肉獸!

撰文: Jacky │攝影: Tony、Jacky

勁量 漢堡扒 連 Buffet日本過江鐵板專門店

今次品牌進駐香港,名字改了,但漢堡扒菜單不變,可選豬混牛或全牛肉,前者有咬口;後者就更香濃。或許知道食客花心,餐廳特意增設多款牛扒及豬扒供應,價錢由二百起,所有套餐都附送 Buffet,沙律、意粉、甜品、飲品樣樣齊,而且質素上乘,食罷大滿足!

招牌漢堡扒的外圍煎得小焦香口,內裡爽口多汁,每口都是滿足感。而蒜蓉牛油加入蜜糖及牛奶,香甜細膩,配上以牛骨、牛筋及蔬菜熬成的多蜜醬,份外香濃惹味。一磅裝的直徑達14cm,可以切成8-10份開心 share。

如果覺得一磅漢堡扒太多的話,也可以選平常的 180g 份量,並且追加最多兩款配料。

 

紫蘇葉加上爽口的蘿蔔蓉,配上柚子醋醬汁,清新又開胃,一洗膩感。

 

 

任食沙律、 意粉、 甜品

店內套餐全部都附送自助餐,若然不點套餐的話,也可以 $158 價錢享用buffet。Buffet 區域提供20多款前菜及甜品,在漢堡扒到來前就可開餐!

Meatking
電話:3586 3897
地址:銅鑼灣伊榮街1號地舖 (顯示地圖)
營業時間:星期一至五: 11:30am-4pm, 6pm-11:30pm星期六、日及公眾假期:11:30am-4pm, 6pm-11:30pm
備註:午市及晚市用餐時間分別為 90 及 120 分鐘
座位:90
平均消費:$250
設加一服務費,接受信用咭

延伸閱讀:
6大連鎖店 咖喱牛腩飯 比拼 邊間最好食?|FOOD BATTLE|

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..