【尖沙咀】The ONE x Kumamoto 尖沙咀熊本熊 影相必爭靚位

香港好去處

廣告

熊本熊又嚟咗香港喇!今次佢化身成小農夫,將家鄉九州熊本縣的小農莊同著名景點搬到商場。一行十幾隻的熊本熊款款不同造型,有溫泉熊,農夫熊,西瓜熊、番茄熊企定定同你合照!我哋精選多個必爭影相位,影完放上網呃like之後,再去Pop up Store睇精品,開心哂!

另外重點留意!!!Kumamon真身將於4/4現身,並派發限量版紙扇!記得去睇啦。

影相位1 – 日本三大名城之一的熊本城 “武者返”石牆

日本三大名城之一的熊本城,雖然只係一個迷你版,但熊本熊個大頭一樣夠哂氣勢!

 

影相位2 – 西瓜造型熊本熊

西瓜熊收收埋埋,一彈出來嚇你一跳,大家記得扮番個驚樣先得意呀!

影相位3 – 溫泉熊本熊

去日本點少得泡溫泉先?大家可以扮同熊本熊泡溫泉,一齊舒服舒服!

延伸閱讀:大埔賞花滋味遊。歎抹茶軟糕多士+ 抵食私房菜
下頁續:愛心小農夫熊本熊同你影相!

影相位4 – 行李熊本熊

大家想去熊本旅行嗎?如果未有機會,就先可以同行李熊本熊影相合照先。

 

影相位4 – 愛心小農夫熊本熊

設於地面露天位置嘅愛心小農莊,放滿「番茄」畀你扮農夫影相!另有玻璃屋放滿各種熊本特產。

影相位5 – 期間限定精品店

行完5大影相位,記得去期間限定精品店睇下精品,各位可以憑消費或The ONE Card會員積分,換取行李帶或收納袋!

「The ONE x Kumamoto 樂遊熊本縣」

日期:22/3至3/5 (pop-up store 23/3開店)
地址:尖沙咀The One UG2中庭及露天廣場 (顯示地圖)
查詢:3106 3640
備註: Kumamon真身將於4/4現身,並派發限量版紙扇。

 

延伸閱讀:

【上環】超限量!健康抹茶甜品 黑糖蜜抹茶蛋糕

【西灣河】港島有個小士林!8大好味又抵食宵夜推介!

【九龍城】鬼馬甜品套餐 芒果汁扮太陽蛋