芒草
芒草

上大東山前必須知道的十件事 擁抱 芒草 海

生活

廣告

踏入10月尾、11月頭,又到咗囡囡話要上大東山,同你一齊擁抱 芒草 海的季節!這個景點已經唔再神秘、甚至因為不負責任的遊人太多,造成每次有傳媒或網媒介紹,都會觸動山友的神經,admin親人每次都遭逢大力問候; 如果介紹就係罪,那就不如帶著罪去加強傳訊,在此奉勸各位計劃行大東山的香港人,千萬不要盲目登山,不做足準備、沒有保育山上風景的心理,請先閱讀以下備忘,做個有質素的登山客!

撰文、圖片:GOTRIP編輯部、http://ti-lifestyle.com/

必讀01| 山上石屋,切勿攀登!

教大家計劃行程前,請注意以下呼籲--請大家多多合作,唔好爬上大東山石屋屋頂。尤其像圖中插針式企滿人,屋頂將會抵受唔住重量、出現裂縫、甚至有倒塌可能!要知道山上石屋保育主要靠一群義工,政府懶理,大家要保護香港呢個景點,而唔係一窩蜂踩冧佢!

必讀02 |大東山在哪裡?應在哪裡起步?

海拔869米的大東山,位於南大嶼山,是香港第3大高山。由東涌市中心乘坐11號23號大嶼山巴士,於伯公坳下車,毋須過馬路,見涼亭開始登山,沿路直上,即可到大東山, 路徑出口為黃龍坑郊遊徑,以及南山燒烤場,可以搭乘巴士回東涌,或直接行至梅窩碼頭乘船離開。

必讀03 |我見好似阿豬阿狗都上到山,我呢啲淨係鍾意行街嘅,又上唔上到去架?

伯公坳至大東山山頂,步程約2個小時多。但由於整段大東山均為原始山路,非石屎路,路程具一定難度。加上伯公坳起步首小時均為直上樓梯,相當索氣;後段則為大石與小石混雜的碎石路加泥路,建議登山初哥要做足心裡準備,一定要穿上登山鞋方好上山。(絕不建議穿拖鞋、Converse者上山!

必讀04 |想睇日落、日出,幾點起步上山最好?

如想於山上觀看日落,建議約中午1點於東涌市中心等巴士,約2點於伯公坳起步,輕輕鬆鬆5點(日落前)到達山頂。6點看過日落+晚霞取回頭路落山(入秋後,天黑比你想像中快,記得帶電筒!)而大東山的日落、日出、晚霞、雲海均十分美麗。雲海多在夏天雨後出現,而日出則在12月、1月才較易見到。

必讀05 |點先影到置身 芒草 海嘅靚相?

最緊要係你唔怕畀芒草「吉」,願意走入 芒草 叢中小路拍照。如果只係企係路邊同 芒草 影相,會毫無詩意,構圖欠美感!不過深入草叢還深入,切勿強行屈斷、折斷芒草,摘下芒草做道具拍照更是超缺德行為!!假如目睹有人破壞山上一草一木,請加以勸止。

 

必讀06 |咁幾時先會睇到一片 芒草 海?

網友paladin kar leung 於2015年10月16日上過山,依然未見芒草海,預計11月中才會見到一片芒草海的繁盛景象。

必讀07 |除咗水、乾糧,有咩登山裝備一定要帶上山?

行山杖!!不論用以輕輕撥開芒草、探路,支撐自己上山、落山,行山杖都是各初哥上大東山必備之物!行山杖有平有貴,平至鴨寮街的數十元的平價貨,貴至一千幾百的專業登山杖,均有交易。

必讀08 |我想係山上開餐,上面有無位置野餐架?

最好唔好!別以為大東山之上是設備齊全的北潭涌燒烤場,山上無檯無凳,只有石頭和野草,山友只能就地開餐,近年很強不知就裡的登山客專程上大東山大吃大喝,甚至有人帶備爐具打邊爐,其實都不鼓勵,容易造成污染,現場環境大風而且氣溫轉變甚大,填肚充飢無妨,不宜野餐。

必讀09 |聽聞山上無垃圾筒?

係!其實所登山客都要明白「自己垃圾自己帶走」,千萬不要問「有無垃圾筒」!帶備垃圾袋上山,將所有廢物放入帶走其實好容易。建議輕裝上山,出發前將乾糧的包裝拆減才上路。下山後,不建議將垃圾丟在伯公坳山下的垃圾筒,皆因該處垃圾筒經常爆滿。不如忍多忍,將垃圾帶到東涌市中心丟棄!最後一提,果皮、果核亦難以於野外自然分解,千祈唔好人講你就信,以為可以當肥料就通山丟棄。總之記住,自己垃圾自己帶走,咩都唔好留低!

必讀10 | 山上有好多間石屋,係咪可以入去過夜?

石屋為私人擁有,已不向外租借,如要於過夜,有人選擇於山上紮營,但如嚴格依從「郊野公園及特別地區規例」,其實並不准許紮營;因此各位山友切勿於地上、屋頂「起爐」、點/生火,此舉會破壞野地,燒過的野地亦難以復原,加上秋冬風高物燥,容易造成山火。

「郊野公園及特別地區規例第 11(3)條」
任何人不得在郊野公園或特別地區內露營或建立帳幕或臨時遮蔽處,但在以下情況下進行則除外 ─
(a) 按照總監所批給的許可證的規定; 及
(b) 在指定露營地點內