麵包卡路里
麵包卡路里

麵包卡路里致肥陷阱!菠蘿包、雞尾包、甜餐包肥過一碗飯|食是食非

飲食

廣告

朝朝食麵包做早餐,但麵包卡路里陷阱你又知唔知?原來一個無餡甜餐包都260kcal,已經多過一碗白飯220kcal,今次精選了其中8款港人最常吃的麵包,邀請營養師逐個計算麵包卡路里,睇真邊款最肥,仲有防腐劑、添加劑陷阱!

撰文:新假期編輯部| 圖片:新假期資料室 營養顧問:尚營坊健康顧問有限公司營養師 Tracey Yau

麵包卡路里!
陷阱逐個睇

1.白麵包食完易肚餓

白麵包約74卡路里一片,但製作白麵包時會加入鹽,屬高鈉款式,而且纖維低,升糖指數高,好快肚餓想再食。麥包纖維較白麵包高,飽肚感延長,食慾降低,提子有糖份,將卡路里提高。

麵包卡路里
白麵包食完易肚餓。

2.有餡包要小心!

叉燒包餡料所用糖份較其他有餡包少,熱量較低。火腿脂肪不算高,但雞蛋用油來煎,所以腿蛋包有1.5 茶匙油份,驚驚地。腸仔包的卡路里相對不高,但腸仔是加工食品,鈉質偏高,還是少食為妙。

麵包卡路里
小心有餡包鈉質。

3.餐包肥過一碗飯

諗住食齋包無咁肥?唔係囉!因為麵包實心,又加了牛油、糖和雞蛋製作,卡路里多過1碗飯,但脂肪量比有餡包低!

麵包卡路里
一個甜餐包261kcal,肥過一碗飯。

4.小心高油高脂款式

雞尾包的椰絲餡料有大量牛油,不但卡路里高,而且有4茶匙油份,脂肪極高。菠蘿皮用大量牛油搓,順理成章成爲邪惡之王。

麵包卡路里
雞尾包脂肪極高。

麵包卡路里危機
逐一解答!!

1. 鬆軟麵包無咁飽肚,無咁肥?

要令麵包鬆軟,有可能是加了膨脹劑,麵粉量相對少,無咁飽肚,卡路里也相對低。不過油份也可令麵包鬆軟,例如牛角酥,吃時留意會否有大量油份殘留手上,油太多便要少吃。

麵包卡路里
麵包鬆軟可能是加了大量油份,要小心。

2. 中式蒸包較健康?

以無餡的甜餐包和饅頭比較,前者卡路里比後者高63kcal,全因為加入了雞蛋、牛油、糖,脂肪量相對高。不過論纖維,兩者皆低,而且升糖指數同樣偏高,飽肚感快來也快去,食慾易增。

麵包卡路里
無論中式蒸包,或港式麵包,升糖指數同樣偏高。

3. 麵包機自製麵包 沒有防腐劑、添加劑=健康?

未必!麵包機提供的食譜,一般麵粉量多,教用油使麵包鬆軟,而且自製麵包通常厚切,都是致肥陷阱。營養師建議,以全麥粉混白麵粉延長飽肚感,糖份、牛油、果乾等份量減半。

麵包卡路里
以全麥粉混白麵粉延長飽肚感,糖份、牛油、果乾等份量減半。

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..