點心卡路里逐件睇!飲茶一盅兩件 點食先唔肥?|食是食非
點心卡路里逐件睇!飲茶一盅兩件 點食先唔肥?|食是食非

點心卡路里逐件睇!飲茶一盅兩件 點食先唔肥?|食是食非

放假很多人都喜歡去酒樓飲茶,但點心卡路里你又知唔知?蝦餃、燒賣、鳳爪、奶黃包款款都咁好食,但究竟邊款最肥,邊款無咁肥?營養師逐件話你知!

撰文:ning 圖片:Wyman、新傳媒資料室(食物圖片只作參考)

營養顧問:尚營坊健康顧問高級營養師Cynthia Wong、食物安全中心

點心卡路里排行榜
15款逐件數!

1. 不算肥 可以放心食

蝦餃、鳳爪、燒賣算是點心卡路里比較低的類別,大可以比較放心食。不過也要留意,蝦仁脂肪不高,但蝦餃皮用了油來搓,宜適量食,更要注意4粒蝦餃就等於一碗飯!鳳爪的雞皮有油脂,加上豉汁濃醬,一隻已經唔少嘢。燒賣內也加了肥豬肉和豬油,少少肥。

點心卡路里
鳳爪的雞皮有油脂,不能忽視。
點心卡路里
燒賣成分有肥豬肉和豬油,少少肥。
點心卡路里
蝦餃卡路里比較低,但4粒蝦餃就等於一碗飯,要注意份量。

2. 注意適量食

鮮蝦腸粉的蝦肉和米漿熱量不高,但建議豉油分開點,減少鹽份吸收。奶皇包是低卡包點,不過糖份較高。山竹牛肉本身脂肪多,內裡其實隱藏肥豬肉,肥!潮州粉果加了花生,熱量、脂肪再拉高!煎腐皮卷本身腐皮有大豆油,再釀餡煎炸,不宜多吃。

點心卡路里
山竹牛肉隱藏肥豬肉,怕肥人士不要多吃!
點心卡路里
潮州粉果加了花生,熱量、脂肪增加。
點心卡路里
奶皇包是低卡包點,不過糖份較高。

3. 少食為妙

叉燒包除了醬汁,也有混合肥膏的叉燒;鮮竹卷又係腐竹之餘,撈埋蠔油汁,高鹽又高脂;炸春卷、芋角、咸水角的外皮都有澱粉質,一炸吸盡油,內裡再加肥豬肉餡,極危險!

點心卡路里
鮮竹卷撈埋蠔油汁,高鹽又高脂。
點心卡路里
叉燒包的醬汁,和有混合了肥膏的叉燒,少食為妙。
點心卡路里
炸物類外皮為澱粉質,一炸吸盡油。
點心卡路里
芋角除炸外皮外,內裡用上肥豬肉餡,肥上加肥。

4. Danger!高危暴肥

珍珠雞的糯米,卡路里等同白飯,加上餡料以油炒香,熱量自然高!以為馬拉糕是齋兼是蒸點就健康?錯!製作過程加了大量豬油和糖,一件已經超危險,睇住食!

點心卡路里
馬拉糕加了大量豬油和糖,超危險!

點心卡路里小迷思
營養師一一拆解!

1. 點心細細粒,只要淨食蒸點便無事?

根據營養師提供資料,基本上一件蒸包、四粒蒸餃,已經400 kcal,接近一個成年女性每餐所需的卡路里,男士加多條腸粉都已經夠數,所以點心望落細細件,其實食多幾粒就爆標!加上不少點心混入豬油、肥豬肉,無論蒸點、炸點,一樣危。

點心卡路里
無論蒸點、炸點,同樣危!

2. 飲茶可以消脂,不容易肥?

茶類並沒有去油的作用,消滯功效亦不高,所以無助減肥!不過可以在食點心過程中飲茶,變相飲多了水,增加飽肚感。情況和先飲湯、再食飯的效果類似。

點心卡路里
茶類無助去油。

3. 落豉油、喼汁、辣椒油,罪孽更深重?

豉油和喼汁熱量不算高,只須注意當中的鹽份。但辣椒油就忌用,一茶匙已有45 kcal,連點心食就更肥,建議改用只有6 kcal的辣椒醬或是辣椒絲加入豉油。

點心卡路里
少量辣椒醬加入豉油,比單點蘸辣椒油較低kcal。

最新吃喝玩樂資訊