遊樂達人教路！旅行隨身5件必備法寶@ 新活時報MISS SUNNY
咪睇佢袋仔細細，入面雖然只得5件小法寶，但全部好駛好用，不論長途、短途，我都帶住周圍去！
1/指甲鉗
去到邊都要靚到邊是常識吧！好多人都無帶指甲鉗旅行的習慣，但其實除咗保持儀容纖纖十指乾淨整潔外，指甲鉗仲可在緊急時候當成剪刀、𠝹刀使用，但又無咁鋒利、危險。我就試過用佢解決頭髮打結、衫褲嘅線頭、即買即著新衫嘅吊牌膠帶等⋯⋯猶如萬用刀一樣萬能，很想要吧！不過要注意根據現時香港機場嘅安全準則為例，帶上機的指甲鉗size 不能大於 6cm，而且不得帶突出、尖銳嘅銼位，所以買指甲鉗時就留意吓喇！
2/眼藥水
Miss Sunny 係四眼妹，去玩貪方便就梗係戴隱形眼鏡啦！去旅行早出晚歸，有時候一戴就12個小時，為了避色眼乾、爆紅筋，影響本小姐selfie效果，隨身就要帶備隱形眼鏡可用的眼藥水了。
3/ 消毒濕紙巾
想旅行去得開心又放心，除咗要特別注意安全外，更要特別注意衛生，可以大大減低病菌侵襲，影響遊樂心情。特別係去落後地方旅行，唔容易搵到廁所洗手，衛生情況又未如理想，消毒濕紙巾就大派用場。我有時仲會用佢抹食具、長途巴士或者火車嘅座椅、廁板等！
4/ 必理痛™
去旅行成日玩到癲，舟車勞頓，加上未必適應目的地與香港氣候嘅差異或水肚不服，好容易唔舒服，所以出門我必定帶住必理痛™當「平安藥」！我貪佢可以空肚服用，不傷腸胃，所以只要feel到有少少唔妥就即刻食，就唔會影響玩樂心情。最近我更知道必理痛™主要成份為Acetaminophen，藥力發揮後，會經尿液排出體外，一改我過往對西藥必定殘留體內的謬誤。
有一家大細去旅行經驗的朋友都知，小朋友外遊特別易病。如果我同家人同遊，我仲會另外多帶一支必理痛™兒童退燒止痛藥水以防萬一 ，草莓味的藥水配方，很易入口。而且適合3個月大或以上嘅兒童服用，帶呢2盒就足以照顧男女老幼，夠哂簡便。
後記： 旅行是一種病
關於旅行，有睇開我哋雜誌或者網站嘅讀者都知「旅行是一種病」係我哋最常用。無他嘅，做得《新假期》當然熱愛吃喝玩樂，無得去旅行個心硬係唔舒服，羅羅孿。患上「旅遊病」會令人更努力工作。當盡情出走時，當然絕對唔病得啦，連眼乾、腳嘅水泡都不能容忍，5件小法寶係我多年旅行嘅心得，希望小小分享幫到大家玩得更盡興啦！
CHHK/CHPAN/0068/16 (09/18)
必理痛為葛蘭素史克集團擁有或獲許可使用之商標
