智紛會員率先狂奔 ! 哈囉喂 猛鬼出籠嚇死你 @TRAVEL佳
真正嘅挑戰終於嚟喇！海洋公園早前邀請咗全年證會員嚟海洋公園 哈囉喂 率先撞鬼，預先登記咗嘅全年證會員可以由夜晚6點玩到11 點！
夜晚入到去，周圍已經同平時唔同晒，多咗好多以南瓜做主題嘅萬聖節裝飾！
當然唔少得難得放監嘅一班 哈囉喂 嘩鬼們，佢哋造型各具特色，有靚有型有恐怖，會唔會撞到恐怖嘅就睇你彩數喇！
仲俾我野生捕獲到cute爆肉感米芝蓮！唔係，係棉花糖鬼至啱～佢主要出沒喺捉鬼敢死隊學堂附近，而且附近仲有好多捉鬼敢死隊嘅裝飾同人物出沒，想捕獲佢哋不妨去附近轉多幾轉喇！而且捉鬼敢死隊Live! 5歲以上就入得，主要係重塑返電影入面嘅場景，大人細路都可以入去哈囉喂 玩下！
講開鬼屋，個人認為古惑糖果村、捉鬼敢死隊學堂最合家歡，小朋友入去都唔太驚。
而最恐怖嘅就係血祭宮殿同屍立中學，中途有好多隻鬼出嚟嚇你，而且滿地屍體，多到想唱返首「屍，全部都係屍～」
屍立中學入面全部都係學校場景,咪話唔驚!
至於只限十六歲或以上人士參加嘅「16禁」鬼屋又點呢？其實呢間鬼屋賣嘅唔係其他鬼屋嗰種驚嚇，而係賣一個令你心寒嘅體驗，例如虐打同滴熱蠟等，如果你咁都唔心寒，可能你有隱性嘅…well，你懂的～
如果真心驚又想感受下氣氛？沿途會有2條露天嘅猛鬼巷 – 陰陽路、屍家路，佈置到煙霧迷漫咁，中途會有幾隻鬼嚇下你，但可能因為係露天，感覺無密封陰暗嘅鬼屋咁恐怖，而且只係一小段路，啱晒既期待又怕受傷害嘅人士。
總括嚟講,全晚氣氛都好好,眼見淨係招待全年證同指定人士 (仲見到其他Blogger同某啲明星),真係好有VIP Feel!!
睇完係咪好想落場玩呢？但暫時只係開放俾指定人士，今次就專門開放俾智紛卡會員率先試玩，唔想再錯過呢啲率先試玩機會？咁就快啲申請返張智紛卡同密切留意海洋公園嘅優惠啦，
而家至10月31日去海洋公園票務部同時購買或續購任何2張智紛全年入場證仲可享85折優惠，有全年證仲唔玩返夠本！？優惠詳情: https://goo.gl/s1cHti
哈囉喂 全日祭2016
2/10 – 31/10 (指定日子): 哈囉喂 全日祭正式開始 (鬼屋及哈囉喂表演全面開放)
