Food Truck – 不容錯過的9大好味又抵食宵夜推介猶如士林夜市!【西灣河有乜食】

飲食

廣告

早前薯片叔叔話香港可以推行 Food Truck 搞到全城討論,一邊就想搞西洋Food Truck,一邊就將本地街頭小食文化消滅,好在香港仲好多小食文化苟延殘喘。好似西灣河太安樓,好似縮細版台灣士林夜市…!各種美食的香味、煮食時的洪洪火光、叫賣聲一湧而來,小小的太安樓地下便有二十多間小食店,即刻介紹當中的好味抵食的9大宵夜推介!

最新發現(Food Truck新品) 紫薯新品!(更新:6月19日)

1. Food Truck熱爆新品!紫薯手抓餅

咪講笑,紫薯真係熱到爆炸!連太安樓都跟上潮流,將原本已經大熱的手抓餅,升呢成紫薯口味。採訪期間,眼見客人清一色揀紫薯口味,老闆話日賣多至100份!手抓餅煎得金黃酥脆,紫薯香味驚喜地突出。提議大家餡料揀帶子裙邊,即係圍住帶子那條波浪型脆邊,入口爽脆好味,配埋油香四溢的煙肉和芝士,真係無得頂!

艾•蜜思
地址:太安樓商場A3-A7號
營業時間:1pm – 1am

2.台灣手抓餅(Food Truck都有)

太安樓最新美食,老闆遠赴台灣手抓餅專門店拜師學藝,幾個月前學成歸來就係太安樓開鋪,15蚊餅底即叫即製,可以自由選擇24種配料,配料$5~$9不等,推介大家一定要加雞蛋同芝士,有呢2種邪惡配料,配合即製手抓餅的香脆口感,無敵!

3.【同埋加映】轟炸原隻炸魷魚 

老闆就介紹埋呢個轟炸大魷魚,到好多台灣小食一樣,賣點就係大大份,自問大口仔一啖都咬唔哂,魷魚炸得算香口,但都幾油膩下,賣相都有待改善,但$22蚊大大條你想點?店家仲有台式飲品,珍珠奶茶、果味茶飲,$13-15蚊杯,食到口乾可以整番杯!

+5ºC 手抓餅專門店
地址:太安樓商場A34-B號
營業時間:營業時間: 12:00pm – 12mn (星期四休息)

4.風味十足重慶燒烤 

講到夜市,又點可以無燒烤?!老闆係你面前即叫即燒的重慶燒,勝在配合現場環境風味十足,二十多款串燒中重點推介燒茄子,$20蚊原條燒俾你,配合茴香粉與香辣粉,惹味!

東記小食
地址:太安樓商場A2-8及A2-9號
營業時間:營業時間: 6pm – 1mn

5.霸氣X鑊氣 十秒抵食炒河!

係火光!隔成條街就被呢一道雄雄嘅火光吸引住!不得了!原來係傳說中的十秒炒河,$26蚊任你揀哂八種配料,5種麵底(識得一定係河粉!),十秒炒完食得,淨係食個鑊氣都抵啦!

中興美食
地址:太安樓商場A2-8及A2-9號
營業時間: 6pm – 1mn
金黃脆香 格仔餅 

6.金黃脆香 格仔餅 

去鴻記,好多人話食雞蛋仔,我就反而推介佢嘅格仔餅,同樣即叫即做,超厚身的餅底與配料爆滿才是重點!!原味格仔餅有花生醬、花生粒、砂糖同煉奶,而士多啤梨同朱古力同樣爆多漿,配合即製鬆脆格仔餅,$17蚊一底!

鴻記雞蛋仔
地址:太安樓商場A34C號
營業時間:10am – 11pm

7.阿蘇都讚好!芝士雞蛋仔 

連啊蘇都讚好的雞蛋仔,當然有賣點啦,芝士雞蛋仔,將雞蛋與芝士漿融合一起,每一粒都有淡淡芝士香味,又有保留雞蛋仔的香脆,又一經常排隊之選。

蛋記
地址:太安樓商場A3-6號
營業時間:12nn – 11pm

8.即做穀飼牛漢堡 

13年開店的味口福,$32蚊個雙層牛肉burger,聽落好似有少少貴,但我就話俾你知其實好抵!事關店主用澳洲穀飼牛做漢堡,漢堡入面仲混有洋蔥同蘑菇,可能係成個太安樓最高級的小食!

味口福
地址:太安樓商場A31號
營業時間:12nn – 10pm

9.懷舊蜜桃冰與菠蘿冰 店家:潮食

去到最後,食咗咁多小食就整番個小甜品啦,推薦大家懷舊咬番個$4蜜桃冰或$5菠蘿冰,最岩踢走春天鬱悶天氣,又消消滯!

潮食派對
地址:太安樓商場A31號
營業時間:12nn – 9pm

太安樓夜市 掃街(戴頭盔)溫馨提示:

1.話明夜市,大部份小食店,如炒河、燒烤店等,都喺6pm – 凌晨1點鐘營業,想食哂咁多間就一定要晚上才去喇。

2.店家衛生程度不一,許Sir就覺得總體係可以接受既,但大家就要視乎自己腸胃接受程度,如果要食內臟類食品就要更加小心喇。

 

太安樓商場

地址:西灣河筲箕灣道57-87太安樓地下

顯示地圖

 

延伸閱讀:
【觀塘】白朱古力心太軟!令人瞬間融化的甜品!
觀塘鐵板brownies嗞嗞聲的幸福甜點

【尖沙咀】熔岩蛋漿飯!Oppa最邪惡美食襲港!
新假期食玩報料:[email protected]
歡迎Instagram / facebook 使用#weekendhk 報料,資料一經選中會為你公告天下!

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..