市區綠化大變身@新活時報Miss Sunny

生活

廣告

(Presented by EPS)

香港地寸金尺土,樓都唔夠位起,市區搞綠化就變得更加奢侈。不過我Miss Sunny唔講,你未必知,香港其實都有好多令人眼前一亮嘅綠化地點,有啲可能就喺你身邊,全因為由2008年開始有「EPS iDO市區綠化計劃」。呢個計劃通過嶄新概念支持市區綠化,而且運作好簡單,大家用EPS消費,EPS就會捐款兼聯同綠色力量一齊為香港種樹,所以只要人人改變下自己消費方式,人人都可以做綠色英雄!

最新動向:EPS iDO垂直綠化

咁多年嚟,「EPS iDO市區綠化計劃」覆蓋嘅地方愈嚟愈多,為咗進一步釋放多啲綠化空間,EPS發展出全新概念:垂直綠化(Vertical Greening),開拓過往唔適合做平面綠化嘅市區地點進行,第一站揀咗沙田。

綠化前
綠化前

綠化計劃將沙田第一城入面,樂城街垃圾收集站變成垂直綠化牆,真係impossible is nothing!之但係到底垂直綠化有幾神奇?不如睇下2位明星級綠色英雄:林海峰(阿Jan)同遊學修(阿修)點講~

綠化後
綠化後

垂直綠化嘅好處有:

1.垃圾站變身綠化牆,將厭惡性設施變得人見人愛,不可能變成可能!
2.綠化牆面積約35平方米,由唔同顏色、形態嘅植物組成,周圍環境即刻靚晒!
3.綠化牆更加係用香港同華南原生植物組成,好少有,好有生態價值。
4.樂城街附近有油站,好多車出入,綠化牆正正可以吸走污染物,改善空氣質素。
5.同時樂城街有好多民居,附近有3間學校,居民同學生哥日日見到綠化牆,心情都好啲啦!

N9X7A0253

當然,無論平面定垂直綠化,對我哋嘅社區甚至成個城市都大有好處,即刻知多啲啦:

Q:EPS點解會諗到將綠化工程「垂直」咁進行呢?
A:香港地少人多,建築物同地下設施又多,無幾多地方可以進行平面綠化,垂直進行就可以突破呢個限制,人人得益。

 

Q:係咪所有外牆都可以做垂直綠化?
A:No No No,要考慮結構、承重、安全呢啲條件同好多其他因素,起一幅綠化牆絕對唔簡單!

 

Q:咁到底「EPS iDO垂直綠化計劃」有咩好處先?
A:用例子答你~

每100平方米嘅綠化牆,每年可以吸收大約235公斤二氧化碳,等於20棵樹1年嘅吸收量,有助減緩全球暖化。

綠化牆可以降低5至10分貝嘅環境噪音。
綠化牆可以潔淨空氣、調節微氣候、舒緩熱島效應、美化環境……

9X7A0029

綠色屯門睇真啲

聽完阿Jan同阿修講解沙田垂直綠化牆,等我Miss Sunny介紹返另一個綠化重地,屯門。「EPS iDO市區綠化計劃」喺屯門區內13個地點同時進行平面綠化,種咗1,049棵喬木同灌木,遍布每個角落,有近輕鐵站、西鐵站嘅,亦都有喺住宅區或者工業區地段嘅,有效美化街道、改善空氣,為區內居民創造更舒適嘅環境。

海榮路(三聖墟輕鐡站及恆福花園段) 種咗好多種小喬木同灌木,區間開鐵路同行人路,又為空地加添生氣。
海榮路(三聖墟輕鐡站及恆福花園段)
種咗好多種小喬木同灌木,區間開鐵路同行人路,又為空地加添生氣。
青善街(近青善街籃球場) 喺住宅社區入面嘅綠化點,為鄰近居民提供更綠色嘅視覺享受,仲有清新空氣。
青善街(近青善街籃球場)
喺住宅社區入面嘅綠化點,為鄰近居民提供更綠色嘅視覺享受,仲有清新空氣。
河傍街(近屯門西鐡站) 臨近單車徑同行人路,可以令出入西鐵站同來往嘅道路使用者得到綠色視野。
河傍街(近屯門西鐡站)
臨近單車徑同行人路,可以令出入西鐵站同來往嘅道路使用者得到綠色視野。

總結

所以話,當大家了解咗更多關於「EPS iDO市區綠化計劃」嘅理念同好處之後,就明白原來日常消費都可以好有意義!大家以後俾錢買嘢嘅時候,識做啦~齊齊做綠色英雄!