大埔友注意 ! Fusion餐廳 有驚喜@Dining娜
大埔友注意 ! Fusion餐廳 有驚喜@Dining娜

大埔友注意 ! Fusion餐廳 有驚喜@Dining娜

(Presented by Alien Fusion Restaurant)

如果你唔係大埔地膽,未必留意到呢間Alien Fusion Restaurant,小店隱身係大埔仁興街,附近最大地標係香港鐵路博物館,我Dining娜就係有日同friend遊山玩水,然後四圍搵好野食,經過呢條唔起眼嘅街,竟然俾我發現呢間靚 Fusion餐廳 !咁好街邊又有車位,二話不說即刻入去睇睇。

DSC_1211
大埔區小街,竟然有間外觀設計簡約有型嘅餐廳。

餐廳走簡約歐美風格,內內外外都感覺好舒服,坐低時直頭覺得自己身在SOHO 區!欣賞完環境,就望下牆身大黑板,見好多菜式都幾吸引, 我哋決定每人叫多幾款主菜試下。我自己揀咗法式農村油浸盲鰽,姐妹就分別點咗蜜糖黑芥茉子燒豬鞍同埋罌粟籽煎鵝肝,另外再點咗迷你漢堡三重奏同橙酒班戟Share食!

Fusion餐廳
餐廳布置型格、簡約,坐落覺得好悠閒、好舒服。

花心思 fusion 菜

叫得做 fusion餐廳 ,Alien嘅菜式好多元化,而且店長仲好熱情同客傾偈,聽佢講大廚會留意有咩時令優質食材,再加上自己嘅創意去烹調,時不時就會設計新菜式。另外由於地段關係,價錢相對可以實惠啲,聽聞開舖咗個幾月,已經有好多街坊捧場!餐廳仲有得包場開私人派對或者聚會,大廚會為你設計私房餐單,中式、西式任你揀。

法式農村油浸盲鰽 賣相充滿法式農村氣息,盲鰽口感爽滑得嚟厚實,我Dining娜起初有啲擔心入口會好油膩,但原來係用橄欖油浸,加埋車厘茄,意外地好清爽,又鮮味!
法式農村油浸盲鰽
賣相充滿法式農村氣息,盲鰽口感爽滑得嚟厚實,我Dining娜起初有啲擔心入口會好油膩,但原來係用橄欖油浸,加埋車厘茄,意外地好清爽,又鮮味!
蜜糖黑芥茉子燒豬鞍 豬鞍用2種方式出場,一隻係原味煎烤,另一款係用煙肉包住豬鞍再燒,豬鞍肉入口有彈性、多汁配蜜糖黑芥苿子汁,甜得嚟帶少少辣,開胃!
蜜糖黑芥茉子燒豬鞍
豬鞍用2種方式出場,一隻係原味煎烤,另一款係用煙肉包住豬鞍再燒,豬鞍肉入口有彈性、多汁配蜜糖黑芥苿子汁,甜得嚟帶少少辣,開胃!
罌粟籽煎鵝肝 見到上碟嘅黑色鵝肝有啲意外,原來係撲咗罌粟籽,再用高溫煎到啱啱熟,表面香脆,入面甘香柔軟,配埋帶甜味嘅石溜汁,夾得嚟味道更有層次!
罌粟籽煎鵝肝
見到上碟嘅黑色鵝肝有啲意外,原來係撲咗罌粟籽,再用高溫煎到啱啱熟,表面香脆,入面甘香柔軟,配埋帶甜味嘅石溜汁,夾得嚟味道更有層次!
迷你漢堡三重奏 賣相吸引嘅漢堡,分別係豬肉、牛肉同雞肉,真材實料無添加,麵包係竹炭包,細細隻,好得意咁,大小朋友都鍾意!
迷你漢堡三重奏
賣相吸引嘅漢堡,分別係豬肉、牛肉同雞肉,真材實料無添加,麵包係竹炭包,細細隻,好得意咁,大小朋友都鍾意!
橙酒班戟 最後上場嘅,當然係我Dining娜不能錯過嘅甜品!呢款傳統法式甜品,入口就見真章,班戟點橙酒汁食,入口煙韌、彈牙、柔軟,味道酸酸甜甜,成功得到我哋一致好評!
橙酒班戟
最後上場嘅,當然係我Dining娜不能錯過嘅甜品!呢款傳統法式甜品,入口就見真章,班戟點橙酒汁食,入口煙韌、彈牙、柔軟,味道酸酸甜甜,成功得到我哋一致好評!

地址:大埔仁興街31-33號地下(顯示地圖
電話:2651 6660
網址:https://www.facebook.com/Alien-Fusion-Restaurant-283783265307273/

最新吃喝玩樂資訊