芝士脆片
芝士脆片

微波爐Finger food | 芝士脆片 伴牛油果醬@DINING娜

飲食

廣告


(Presented by Kraft)

text:dining娜 photo:tony
最近有個好姐妹生日就book咗間hotel room諗住過一晚girls night party,嗌外賣又太普通,於是我就整定啲 微波爐Finger food,諗住邊歎wine邊歎小食~不過冇理由又係菠蘿腸仔同啫喱糖㗎~所以就準備芝士脆片 伴牛油果醬,易整之餘,貪佢個樣夠好睇,呃like都易啲呀!

將芝士片變成香濃 芝士脆片 ,又好味又方便,1分鐘就整好!配埋Guacamole(牛油果醬)伴住嚟食,勁creamy勁邪惡呀!芝士方面,用咗強勢回歸貨架上面嘅卡夫芝士~口感同以前一樣smooth,奶味仲濃味咗添!

材料:

芝士脆片:卡夫芝士片3片
牛油果醬:卡夫蛋黃醬(2湯匙)、紅燈籠椒(0.5個切碎)、牛油果(1個去核切碎)、檸檬汁(1.5湯匙)、蒜茸(1茶匙)、鹽及黑椒碎(適量)

做法: 

1. 芝士以刀切至四份

2. 牛油果搗至茸狀

3. 牛油果醬材料拌勻

4. 碟面鋪上牛油紙,芝士片放喺碟中,於微波爐叮約1分鐘,取出伴以牛油醬一齊食。

後記:

其實又唔係咁難整,喺各大超級市場都可以買定卡夫芝士囤定喺屋企,煲劇嘅時候我都會整嚟食,套劇都未load到我就食得,真心快靚正!你地都快啲試下啦!

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..