秘魯雙C「之茶」@呢啲嘢啊
秘魯雙C「之茶」@呢啲嘢啊

秘魯雙C「之茶」@呢啲嘢啊

又來到一晚情陷夜中環,女友再帶我到之前訪問過的店吃個飯,令我知道不止蘇豪橫街的店值得灑金,斜路上也有不少滄海遺珠。更令我期待的是,這次試的是我從未嚐過的秘魯菜。氣侯剛轉,有春睏難解,胃口不太對,女友說這就對了—秘魯位處南美拉丁地區,因其特殊的歷史背景而集合了多國菜式元素,形成口味獨特的飲食文化,能解鬱結。是晚座無虛席,只有吧檯閒著兩位,正好!這更能近距離看著廚子煮菜,懂得的也知道這比普通座有種說不出的風味。

Chicha位於卑利街,黑色店身於日間不太明顯,但一入夜就變得出眾。店內均是高身椅,木身天花,有幾分南亞風情。

DSC00758

DSC00756

DSC00723

Causa – Aji De Gallina, Squid & Black Cod

女友極力推介前菜Causa,上碟顏色鮮豔,非常精美,係齋睇都正嘅食品。菜牌上有三款Causa可揀,我們叫哂三款以一飽所有。睇見廚師認真地由空碟再慢慢將食物堆砌上去,有種監工建屋嘅感覺,不知怎的三兩下手勢,食物就搞掂。唯一慢鏡頭動作就係清潔碟邊兩秒,才有暇定睛。

Aji De Gallina()

是秘魯名菜之一,名字為西班牙文”Chili Pepper Chicken”辣椒雞的意思。顏色帶黃,係因為用Aji Amarillo(秘魯黃辣椒)煮成。加上蒜頭、薑、山核桃與巴馬臣芝士,口感黏黏,味道又辣又甜,十分香口。紫薯蓉作底,牛油果蓉作黏合劑,把雞肉都安放好。黃色醬汁是菜式原本的醬,加上有點降辣功效的鵪鶉蛋半隻。除了那糖身橄欖我唔好之外……係三件之中最正斗。

Squid()

炸香的墨魚,有啲似中式墨魚餅。配上黃辣椒蒜泥蛋黃醬,少許飛魚子,帶起墨魚鮮味。黃薯作底,差別同紫色唔太大,甜度更高。

Black Cod()

銀鱈,識食既一聽到已舐舐脷,煎香再擺上炸好莞荽;綠色醬汁為日式芥茉醬。簡單配搭,可喜吃法,人人愛吔。

唔好睇呢三粒嘢好細,其實都幾飽肚。

DSC00739

DSC00740

Taco Peru – Fish & Crab
Taco係墨西哥名菜,西班牙曾入侵墨西哥,而秘魯卻因集百家之大成所得此道。剛到埗坐於吧檯上已看到多個木托上有四坑一組的容器,正正為咗Taco烤焗之用。

Fish
用鮮檸汁香草辣椒醃好的香煎炸「魚立」魚配上紅燈籠椒,再加上Coleslaw(椰菜生果沙律),咁仲未夠!再係面頭加上芒果Salsa醬。簡直又香又甜又好吃,好似食緊一堆好香魚味既甜生果咁。呢個會令人一啖一啖勁快食哂成個Taco,係Chicha的必食品。

Crab
軟殼蟹是女人最愛,叫就梗嫁啦!再搭埋佢最鍾意嘅菠蘿,有咩計唔掂?再擠上一條黃椒醬,雖無魚個份咁爽皮,但都不遠矣。

兩者都做到玉米皮好脆,而餡料好多層次,又軟又香。

DSC00728

DSC00742

DSC00743

DSC00754

Pisco Sour & Girl from Lima

Pisco是秘魯國酒,Pisco在國際間受歡迎程度甚至令每年二月第一個星期六被定為國際Pisco酒日。此兩款雞尾酒也是用Pisco所調,絕對是同根生,一是經典演釋,另一是現代變奏。

DSC00733

Pisco Sour

Pisco Sour出生於利馬(秘魯首都),由一名叫Victor Vaughen Morris美藉調酒師於1920年代發明。後來PS也被改良幾次,直至一天Mario Bruiget,在Morris的酒吧工作的秘魯藉調酒師,將苦酒與蛋白加入成為現世版本。

Sour是秘魯家庭待客到家的必備飲品。帶酸苦,但異常開胃,味道突出留腔,係美妙嘅鬼佬涼茶、食秘魯菜不得不試的酒品。

 

DSC00729

Girl from Lima

同樣是Pisco底,混合了牛油果及青檸汁,感覺更creamy。圍著杯邊嘅係Tajin Spice香料,辣辣的。杯中物係咪透露咗利馬女郎係圓滑又帶點火辣,令你酸溜溜的味道?

DSC00732

吃罷Chicha雖滿足,但更令我對秘魯菜好奇,下次會再試試她國的多彩獨特口味。對秘魯不甚熟悉,但由食品中也能感受他們好客熱情之道。

看看我這酒鬼會忍多久才來喝杯Pisco Sour,鬼佬涼茶。

註: 沒點Ceviche是傻仔了,另多謝大廚Arturo Melendez招待。

Chicha

中環卑利街26號地下舖 2561 3336

conceptcreations.hk/chicha/chicha-central/

www.facebook.com/chichacevicheria

最新吃喝玩樂資訊