吉卜賽女郎@為何斯德哥爾摩沒有譚仔三哥
吉卜賽女郎@為何斯德哥爾摩沒有譚仔三哥

吉卜賽女郎@為何斯德哥爾摩沒有譚仔三哥

吉卜賽呢三個字會令你有咩聯想?

記得當時臨起程嚟瑞典果陣,同程至美講起,叫佢形容瑞典風土民情我聽,其中我記得佢話過「條街好多吉卜賽人 」。可能我個人本身內心充滿邪念,一聽到吉卜賽就令我諗起吉卜賽女郎,一諗起吉卜賽女郎就諗起佢哋會包頭巾著長裙風情萬種為你占卜。加上我細個果陣時好迷占卜果D野,學校要寫我的志願我都夠膽死寫占卜師。

吉卜賽呢三個字對我嚟講又夢幻又神秘,估唔到大個咗終於有機會一睹風采。

嚟到之後,發覺除咗長裙同頭巾match,成件事完全fail晒。
吉卜賽民族起源於印度北部,係散居全世界的流浪民族。而原來今時今日喺瑞典大部份嘅吉卜賽人,原來主要係行乞為生。
通常喺Stockholm每行大概一百米就會見到佢哋嘅蹤影,佢哋通常會揀坐喺餐廳或者超市門口。每次當我去完餐廳食飯,又或者去完超市買嘢一袋二袋,出嚟再見到佢哋天寒地凍坐喺門口同你打招呼,心入面都會有戚戚然。我之前試過比D銀仔佢哋,佢哋雖然口裡說著多謝但又整個嘴妙妙嫌錢少嘅樣,搞到而家每次見到佢哋都唔知應該施捨兩個錢定直行直過,眼神接觸都唔知應唔應該比好。

你叫佢哋番佢哋自己國家咩?佢哋根本冇一個屬於自己嘅國家。加上瑞典人對佢哋排擠得好嚴重,成日形住佢哋只會偷呃拐騙,有工都唔會請佢哋,惡性循環,但事實上有數據指佢哋個民族犯罪率都偏高。有頭髮邊個想做癩痢,佢哋咁樣四海為家靠行乞為生其實佢哋自己都唔好受,亦根本冇咩人可以幫到佢哋。

唉,如果facebook D like可以當錢用你話幾好,至少可以幫佢哋籌下旗。唯有希望佢哋新一代可以努力上進,自求多福啦。

延伸閱讀:K先生,可否阻你十八秒鐘…[email protected]為何斯德哥爾摩沒有譚仔三哥

最新吃喝玩樂資訊