街頭小食卡路里
街頭小食卡路里

燒賣、雞蛋仔、臭豆腐邊樣肥? 街頭小食卡路里

飲食

廣告

街頭小食卡路里 你知幾多?魚蛋、燒賣、雞蛋仔,是不少人的Comfort food ,點可以戒?睇住個表食,適可宜止,其實都OK。

撰文:head 圖片:Hong、新傳媒資料室

01 街頭小食卡路里 魚蛋原來最低卡

街頭小食卡路里 你知幾多?多款街頭小食當中,魚蛋原來幾乎最低卡,一串只有76卡,不過鹽份高,一串已含600克鈉,是一天所需的三分一了。吸收過多鈉會水腫,嚴重更會高血壓和腎病; 而茶葉蛋多吃一點也無妨,美國最近已有研究證實,雞蛋黃不會提升人體膽固醇。

 

02 煎釀三寶+生菜魚肉+碗仔翅

煎釀三寶的蔬果加魚肉,本身超低卡,但即油炸令卡路里升,而萬年油含大量自由基,會加速人體老化和增加患癌風險;生菜魚肉都算健康,不過最好別飲味精湯;碗仔翅如要調味,加胡椒粉和浙醋無妨,麻油則免。

03 牛雜+臭豆腐

牛雜雖然不算高卡到震,但內臟始終膽固醇高;臭豆腐食一件就等於飲了2茶匙油啦!

04 牛油粟米+魚肉燒賣

一杯加了牛油的粟米二百幾卡,走牛油立即變90卡!魚肉燒賣由肥豬肉+豬油+麵粉製成,食幾粒已經肥死你!

05 砵仔糕+雞蛋仔+夾餅

砵仔糕咁齋以為好低卡?甜嘢始終糖份高,無計;雞蛋仔內含牛油、淡奶和砂糖,一式底等於2碗白飯!夾餅仲要On Top加埋花生醬、牛油和砂糖,死未!

06 好恐佈!章丸小丸子

太恐怖!章丸小丸子 食一盒(6粒)已等於4碗白飯,又等如60粒魚蛋! 元兇就是粉漿、燒汁、沙律醬和落油煎!

貼士: 小食別當正餐吃

以街頭小食代替正餐可減肥?以此組合為例,6粒魚肉燒賣 (294kcal) + 牛油粟 (225kcal+ 碗仔翅(123kcal),六百多卡已經超標;吃一底夾餅代替成餐飯好 light 咩?其實已等於兩碗半白飯!須知成年女性每日只需1,500-1,800kcal。
延伸閱讀:
吉野家對手出現 加藤屋麻辣丼突圍| 牛丼 大比拼|Food Battle|
 

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..