759 進化$12店！精選10件抵買貨品＋購物小貼士！

這家東邊街分店共有兩層，上層就是$12區。貨架上的貨品大多都是廚房用具為主：筲箕、容器、食物盒等等⋯⋯雖然賣的貨品全都是塑膠製品，美觀度就麻麻地，不過質量還算不錯，重點是全場貨品都是Make In Japan，$12抵返晒。

10款抵玩必買小商品！

1. 微波爐杯

杯邊度都有啦！點解仲要特突推介？陳生，說話又唔係咁講呀。微波爐杯唔係度度都賣得咁平㗎！這個杯拿起上來都幾「墜手」，質量有返咁上下。而且外形都不錯，推介！（另有微波爐湯碗）

2. 開橙器

唔講都唔知原來呢個咁可愛的小鳥造型工具是一個剝橙器！如果你同我一樣都唔識剝橙，又唔想整污糟隻手，買一隻放喺屋企做吓裝飾都幾好！

3. 三角飯團模具

這個飯團模具真是十分討我歡心，可以好輕易地做出三角飯團，試想想去野餐時帶上這些三角飯團，心情好十倍～做完還可以放上Instagram呃like！喜愛煮食的朋友切勿放過這個產品！

4. 可愛飯團模具

DIY 呃like 2號！有了這個一套三款的飯團模具便可以做到日本媽媽的愛心可愛便當了！

5. 衣飾小物架

平時成日都唔知點掛起啲Belt、絲巾、領帶等飾物，用這個衣架將所有飾物都掛起就成了。一個衣架就可以掛12件衣物，又慳位又方便。讚！

6. Bottle Marker

相信大家都好多經驗係：開Party ，去BBQ時都會同其他人調亂咗個水樽。這些標記清晰可見，而且造型可愛，唔用嚟做Marker，改為做裝飾都得！

7. 密實夾

密實夾近年越來越多地方都有得賣。不過這個密實夾的優勝之處是可以寫上留言或備註，包裝紙上還提供上卡紙，非常細心。如果覺得太小的話，這裡還提供了不同長度的密實夾。

8. 筲箕

這一套筲箕好似平平無奇，但喜歡煮食的朋友應該會當佢係好朋友，因為用來隔水、汆水太方便了。不過一套兩個的筲箕有點細小，如果要大一點的話就要分開一個一個買了。（我也買了一套）

9. 水杯

呢套水杯1Set 5個，平均都係$2 多少少就有一個杯，下次開party 唔好再買紙杯啦！又易爛又唔環保，這套杯可以循環再用、又易收藏，我真的想不到不買的理由了。

10.鍋鏟

這個鍋鏟是專門煎魚之用。因此鏟位比一般的鍋鏟較修長。當你以為IKEA 賣$69三個鍋鏟已經好抵的時候，這裡的鍋鏟只賣$12！如果嫌這個鍋鏟鏟位太長，也有普通鍋鏟可以選擇。

 
下頁續：購物小貼士！

同場加映！購物小貼士！

1. 雖然是所有貨品標明是公價$12，但以會員卡購物可享有優惠，即$10.8 就有一件貨品！所以去掃貨之前記得帶埋張會員卡！

2. 除了西營盤東邊街759店之外，暫時還有其餘兩個地方都會開設$12店。分別是紅磡和荃灣。

西營盤店：
地址：皇后大道西226-228號低層地下A及B號舖及高層地下C號舖
電話：3669 6853
營業時間：9am – 10pm

荃灣店：
地址：荃灣楊屋道18號荃新天地2 UG樓UG05-UG07號舖
電話：3669 6898
營業時間：10am – 10pm
開業日期：2015年3月1日

紅磡店：
地址：紅磡馬頭圍道37-39號紅磡廣場1樓7-13及部分63號舖
電話：3669 6817
營業時間：9am – 10pm
開業日期：2015年3月1日

延伸閱讀：清新の12蚊雜貨店＠麻瓜鄧