懶到盡頭 一鑊熟意粉! @Charmaine
懶到盡頭 一鑊熟意粉! @Charmaine

懶到盡頭 一鑊熟意粉! @Charmaine

繼早前熱爆的番茄飯,最近又被「一鑊熟意粉」狂洗版,不少煮食群組、bloggers,甚至身邊對煮食一竅不通的朋友都躍躍欲試。所謂一鑊熟,顧名思義就是不預先將意粉烚熟、不將材料另外煮,直接將所有材料放進鑊中,加適當的水煮約十五分鐘至收乾,據聞成功率達九成!「連碟都洗少幾隻」、「唔使預先爆配料,用少d 油,夠健康!」、「而家就算一個人都有動力煮嘢食啦!」好評如潮。今日放工唔想在家吃得太複雜,就用了番茄、洋葱、蝦仁、羅勒、雞湯來煮一鑊熟意粉,煮出來意粉口感偏腍,不過吸盡材料味,吃落都唔錯!建議用湯汁煮比用清水好,否則會像白烚意粉般冇味。湯汁也應預先調淡一點,因會愈煮愈濃縮。此外食材會否出水、是否耐煮都要留意。其實一鑊熟的構思在外國早已存在,上網search”one panpasta” 即可找到不少食譜,與番茄飯異曲同工,原意都是貪方便。就算是在香港,「一鑊熟」都唔係新鮮事,看看媽媽久唔久都做的一品窩,咪就係一鑊熟囉!

除了意粉,長通粉、螺絲粉口感都好,茄汁、白汁等都各自有人試。(相片來源:香港討論區)
除了意粉,長通粉、螺絲粉口感都好,茄汁、白汁等都各自有人試。(相片來源:香港討論區)
用靚煲整,一鑊熟意粉仲可直接上桌,夠方便!(相片來源:鬼嫁料理手帳)
用靚煲整,一鑊熟意粉仲可直接上桌,夠方便!(相片來源:鬼嫁料理手帳)
走在飲食界尖端的Charmaine當然都有試整啦!今次試了用番茄、洋葱、蝦仁及羅勒,洋葱、番茄煮了12分鐘,像熬了個雜菜湯,意粉盡索蔬菜鮮味。
走在飲食界尖端的Charmaine當然都有試整啦!今次試了用番茄、洋葱、蝦仁及羅勒,洋葱、番茄煮了12分鐘,像熬了個雜菜湯,意粉盡索蔬菜鮮味。

最新吃喝玩樂資訊