跟財爺搵食!全球8架變形Food Truck!

飲食

廣告

財爺曾俊華今日宣讀最新一份財政預算案,其中一項措施係研究將外地流行的美食車引入香港!雖然真係唔知交通問題嚴重,道路窄又無任何配套嘅香港做唔做到好似美國咁成街Food Truck!

不過都可以先參考以下外國的變形Food Truck,由消防車到太空船改裝都有,淨係架車本身經已吸引到你去食啦!

1.古董雙層巴 賣環球Fusion菜(出沒地區:美國伊利諾伊州布盧明頓)

由1958出產的英國古董雙層巴士改裝而成,絕對滿足到經常在搭巴士途中偷食麥當勞Bell chan的你,此food truck大賣環球Fusion小食,不時會轉換新食品。

 

Two Blokes and a Bus

 

2. Snowcat雪中送墨西哥卷(出沒地區:美國加利福尼亞州猛獁山)

去過加利福尼亞州猛獁山滑雪的朋友都應該見過,以Snowcat(雪地履帶車)改裝而成,大賣熱辣辣墨西哥卷!

下頁續 三輪車 賣狗餅

3. 三輪車 賣狗餅(出沒地區:美國紐約)

兩姊妹覺得家中狗狗愈食愈肥,於是決定自製狗狗美食,整下整下仲改裝三輪車,成為係狗都知的街頭美食!

Bocce’s Bakery

 

4.烈火雄Pizza(出沒地區:美國南加利福尼亞州)

唔知店主係咪太鍾意睇烈火雄心,將消防車改裝成即製Pizza的Food Truck,仲成日俾食客cosplay消防員扮下王喜咁,如果焗爐著火係咪自己搞得掂?

Company 77
下頁續 鐵甲豬籠車

5.鐵甲豬籠車(出沒地區:美國西雅圖)

豬籠車,唔通慈母又想捉我哋番去?此鐵甲豬籠車其實係賣豬仔…包,最出名就係超juicy的手撕豬肉包。

Maximus – Minimus

 

6. 水陸兩棲雪糕船(出沒地區:英國倫敦)

可能店主成日搭船個時口啖啖咁,就將呢部水陸兩棲船改裝成雪糕船,如果有埋香港雪糕車嘅音樂,應該好多人會係天星小輪跳海游去買。

The World’s First Amphibious Ice Cream Van
下頁續 玻璃貨櫃 1600磅流動烤爐焗Pizza

7.玻璃貨櫃 1600磅流動烤爐焗Pizza

呢架玻璃貨櫃車絕對唔惹小,流動搬運1600磅燃木烤爐為大家即製Pizza,專業程度遠勝其他food truck!

 

8.太空船Cafe

上年網路上就出現呢架太空船…Cafe!係Ebay公開拍賣仲經已賣出,但暫時就未有人搵到佢係邊到出沒,希望到時有巴斯光年食啦。

其實講到尾,如果政府肯留意同埋幫助香港各種地道小食文化,唔好呃殺小販的生架空間,餐唔餐車又有咩所謂呢?

延伸閱讀:抹茶迷繼續睇!10款精選香港抹茶甜品推介!

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..