9月直飛 鳥取!長腳蟹解禁 搵食攻略
9月直飛 鳥取!長腳蟹解禁 搵食攻略

9月直飛 鳥取!長腳蟹解禁 搵食攻略

9月14日起香港航空將直飛日本鳥取,食正當地蟹季,各蟹民有口福啦!鳥取濱臨日本海,縣內的境港貴為日本5大漁港之一,蟹的產量更是全國之冠,除了有價錢較貴的松葉蟹,亦有價錢親民的紅楚蟹,所以一到9月,當地更索性將鳥取縣改名做「蟹取縣」!剛去完鳥取採訪的記者,已幫大家做足功課,為大家獻上9大鳥取食蟹攻略!

撰文:完美山

Q1.紅楚蟹和松葉蟹,究竟有咩分別?

紅楚蟹體積較小,但多膏和絲絲的肉質較鮮甜,而且捕獲期較長,由今年9月至下年3月都可以捉到,所以價錢平啲,最平¥500/HK$39都有一隻。反觀松 葉蟹的捕捉期為11月至3月,產量較稀有,加上肥大兼腳長,食來啖啖肉,所以就算價錢較貴¥2,500-10,000/HK$195-780,但仍比東京 平,所以非常受歡迎。

3
紅楚蟹
02
松葉蟹

Q2. 點樣揀靚的松葉蟹?

最緊要睇下蟹殼上有無黑色粒粒,如果有,恭喜你,代表隻蟹夠後生,肉質夠緊致彈牙!見係Friend,細細聲同你講,呢啲粒粒其實係吸血蟲卵,同青春豆一樣,只會附生在年輕的蟹上,聽落噁心,但係美味象徵呀!

5

Q3. 食公定乸?

公蟹多膏兼爪肉厚,母蟹就滿肚蟹子,各有所長啦!

Q4. 鳥取邊度有蟹食?

踏入9月,我可以敢講,全個鳥取縣都有得食,不過想食新鮮平蟹,就要到全國捕捉紅楚蟹量最多的境港!由於漁市場內沒有即場拆蟹服務,所以搵食的話最好到漁市場附近的餐廳,推薦可到大漁丸迴轉壽司店,每季更換餐牌,必試松葉蟹棒壽司,啖啖肉才¥250/HK$20 。另有紅楚蟹套餐,包括蟹子蒸飯、蟹膏蒸蛋和蟹爪麵豉湯,都是¥1,300/HK$101,超抵!

大漁丸
地址:鳥取縣境港市竹內團地280-1
營業時間:11:00am-10:00pm
網址:www.tairyoumaru.com

上回講到係鳥取點揀靚蟹,呢家就睇下點玩鳥取先最精明!

Q5. 特登飛去鳥取食蟹值唔值?

現時香港航空來回日本鳥取縣米子機場的開航優惠來回連稅約$1,860,這個價錢飛日本,超抵,不過一星期得兩班。

flight info

Q6.米子機場離市區多遠?

在機場可選多條循環路線出市區,到境港市只需10分鐘,JR米子站需25分鐘。到遠啲嘅鳥取市可從JR 米子站轉車,再乘JR 山陰本線到岩美町站,約需1小時。

Q7. 縣內交通如何?

最方便是選乘¥1,000/HK$78觀光的士,車費按人頭計,遊客可在3小時內乘坐的士去鳥取縣任何景點,去邊由你話事,省卻搵路時間,不過一夠鐘司機會自動落咪錶,最好自己計住時間。

3小時千円的士放題
預約地點:鳥取市JR站北門出口國際遊客支援中心(可即日預約)
服務時間:8:30am-6pm
服務日期:全年通用(12月31日、1月1日除外)
價錢:成人¥1,000/HK$76,12歲以下小童免費
網址:www.torican.jp/tourguide/support

Q8. 點玩鳥取先最好?

建議Open Jaw, 先飛鳥取, 再於大阪或岡山走。第1天可先遊覽米子和境港,第2至3天再到鳥取市,最後乘JR 出大阪、岡山再玩過。

Q9. 點玩先最慳?

記得買埋「山陰&岡山地區鐵路Pass 」,¥5,000/HK$380 即可4日內無限次坐JR 暢遊鳥取、米子、岡山及島根等地區,平日由岡山去鳥取單程已是¥4,390/HK$334,今次真係慳勁多。使用前27至2日於網上預購更可以優惠價¥4,500/HK$351買到,抵呀!

網址:www.westjr.co.jp

banner

最新吃喝玩樂資訊