【自助餐放蛇起底組】$88食足2.5小時!!! 酒店「 芒果燕窩甜品 」下午茶

沙田這間酒店不時都有甜品Buffet推出,最近就以芒果和燕窩做主題,下午茶自助餐可狂吃廿幾款甜品例如芒果燕窩千層酥、芝士蛋糕和Macaron等,更可自製熱辣香脆窩夫,食足2.5小時都只是$88!邊款芒果燕窩甜品 最好食?立即去片!

撰文、攝影:自助餐放蛇起底組

廿多款甜品任食芒果燕窩甜品 得個樣?

小記兩點半準時入座,但場內已非常多人排隊取甜品,看來可早點入座!甜品區有兩邊,放在長枱上任取,驟眼望都是一片黃色,大部分都是芒果味的甜品!等小記逐樣點評,賣相其實幾高質,可以呃到人!但是味道方面,絕大部分都非常失色!雖然味道麻麻,但甜品卻很快被掃光,所以亦keep住有人refill,不用擔心吃不到,只要耐心排隊便可。

芒果燕窩甜品
甜品區一片黃色~好多芒果甜品
A2
芒果芝士蛋糕

芒果芝士蛋糕不錯!口感綿密順滑,面頭有一片芒果和芒果醬,食落帶少少芒果味道。

A3
燕窩香芒熱情果慕絲蛋糕

一入口!酸到小記哇了一聲,熱情果的酸味好澎湃!超醒神,不過就完全蓋過了芒果mousse cake的味道了。

A5
燕窩芒果迷你果撻

芒果燕窩甜品 登場!果撻size細細,撻邊超級腍,吉士醬吃完會黐脷!似食Baby food!上面雖有燕窩,但完全無味,失望!

A6
芒果椰子macaron

Macaron可謂女士至愛,但一吃立即失望!外殼非常硬,裡面的芒果餡更可整塊抽起,餡殼分離,不好吃!

A0
芒果燕窩千層酥

另一款 芒果燕窩甜品 ,千層酥有3層酥皮和2層cream,但可惜酥皮過腍,一隻叉拮下去即散,芒果和燕窩亦無味,得個樣!

突發!隨時出現新甜品

食食下會失驚無神出現新的甜品,所以要很留意著buffet枱的動靜!紅桑莓mousse cake和炸芒果雪糕便是突然出現的甜品,前者質感非常軟身,想吃都超級有難度!因為一夾便會散,好恐怖!味道更拖低了全場甜品的水準,mousse cake似糊仔,又是另一樣baby food,可一不可再!

A7
紅桑莓mousse cake
A8
一夾便散開!
A9
店員不停refill甜品,不用擔心吃不到。
A10
另一款炸芒果雪糕一出即有很多人排隊。
A11
不過亦不用擔心,掃光後又有第二盤新的。

雖然不是熱辣辣,只是微暖,但口感煙韌,入面的芒果雪糕餡亦很多,可以encore!

A11A
芒果雪糕一按即流出!
A12
法式菠蘿杏仁撻

菠蘿杏仁撻質素不錯,飽滿大件,撻皮好有牛油香,杏仁餡的味道雖不是太突出,但配上面頭多汁菠蘿好清新!

A13
燕窩荔枝燉蛋

燕窩荔枝燉蛋又再次失望!食落一陣罐頭荔枝水的味道,配上蛋味好奇怪,而燕窩亦不知所蹤!

A14
芒果燕窩楊枝金露布丁

再來芒果燕窩甜品,看到甜品名已經覺得複雜,食落味道更令人疑惑!楊枝金露變成布丁完全唔夾,上面的芒果糕更硬得似石頭,唉。

小朋友至愛 自助窩夫機

正值暑假,在場有很多小朋友和青少年,大家都非常喜歡這部自助窩夫機,機旁有蛋和製作教學,而且可以自己DIY料如彩針、煉奶等醬料,想玩要排隊等很久!指示說將一勺蛋漿倒進機內便可,但事實上要一勺半才夠,還說弄好後窩夫會發出提示聲,不過過了3分鐘亦無聲響,打開一看,窩夫已熟過頭,食落更有燶味,好玩不好吃!

A16
小朋友密密整窩夫,想玩都要排好一陣子。
A17
弄好後可以DIY配料。
A18
茶和咖啡任飲

總結:選擇方面其實好豐富,有廿幾款甜品,不過味道方邊真的非常失望,芒果無味,不酸亦不甜;燕窩則似切絲的大菜糕,虛有其表,非常麻麻。環境都坐得舒服,服務OK,$88可以任食2.5小時,如果不介意食物的質素,只志在找個地方吹吹水,都是一個可接受的選擇。

一句到尾:我的玻璃心碎了!

不過自助餐需要預先打電話訂座,非常爆場,記者8月頭訂座都要等到8月10日才有位,如果想吃的都可以即場去碰運氣,看看有沒有人no show。

A19

A20

帝都酒店

地址:沙田白鶴汀街八號帝都酒店大堂(顯示地圖)
電話:2694 3869

1+1吧 – 香芒x燕窩夏日熱情甜品自助餐

供應時間:2:30pm – 5:00pm
收費: 星期一至五:$88/位
星期六、日及公眾假期:$118/位
用餐時間:2.5小時
備註:收加一,由即日起起至2016年9月30日

最新吃喝玩樂資訊