美食博覽
美食博覽

$10隻鮑魚+65折海味福袋! 美食博覽 2016 掃食 12大美食福袋推介

飲食

廣告

每年 美食博覽 的參展商都會推 $1 優惠大肆宣傳,例如今年就有$1拋寶牒贏鮑魚,$1 買40包粉絲等,不過大部份都是首日限定而且數量極少,沒有一早排隊的能耐,恐怕望塵莫及。不過記者亦留意到會場內有不少美食及特別產品,即睇2016 美食博覽 掃食攻略及產品推介!

撰文:Jacky | 攝影:Twotung

2016 美食博覽 9大美食!

記者今日來到現場走過一遍,試食了幾十個攤位,特別挑選出九款最吸引美食,立即一看究竟!

台灣美食 蜜糖豬手

上年有去美食博覽的朋友,相信都會記得這間炒豬手。現場所見,攤位都是使用原隻豬手拆肉,再加入蜜糖炒香,肉質濕潤飽滿,香甜惹味,比起其他單位賣的乾豬手吸引得多,價錢亦跟往年一樣,一碟$30。

台灣蜜糖豬手 $30

店員即席將豬手拆肉。

攤位編號:1C-E18

韓國大熱 益力多沙冰!

之前兩間便利連鎖店就趁夏日大推韓國雪條,不少網友都大讚好味,今次這款益力多沙冰都是韓國新產品,冰涼消暑,酸咪咪好開胃。

益力多沙冰 $20

攤位編號:1B-E27

384層酥皮 D24榴槤蛋撻

蛋撻一向係港人至愛,這款蛋撻加上 D24榴槤蓉焗成,更聲稱酥皮足足有384層,雖然記者無法驗證,不過咬下的確很鬆化!

榴槤蛋撻 $12

攤位編號:1B-B28

$10鮑魚 全場最低價!

鮑魚都可以賣到$10 蚊隻,真係抵到爛。食完鮮甜味好突出,不過肉質就有點韌。

鮑魚 $20/2隻

攤位編號:1A-A22

勁足料章魚燒 + 櫻花水信玄餅

平常食的章魚燒都是一粒粒,不過這裡就放整隻章魚下爐,粉漿都包不住,咬落啖啖肉!而櫻花水信玄餅雖然跟相片有點差別,但勝在甜味自然細膩,散發淡淡花香。

章魚燒 $30

櫻花水信玄餅 $20

攤位編號:1A-B12

惹味燒金蠔 超多汁!

金蠔一向只用上等飽滿的蠔生曬至半濕而成,簡單燒燒已經是人間美味,接過串燒後已經看到肉汁一直緩緩流出,勁吸引!值得一提的是,店員燒得超用心,視線從來沒有離開過金蠔!

燒金蠔 $40/串

攤位編號:3E-D12

甜魔至愛!燒棉花糖雪糕方塊

阿波羅最新推出的甜品,燒綿花糖包裹著方形雪糕,再加上朱古力醬,濃甜入心,另有韓式柚子口味。

棉花糖厚多士 $30

攤位編號:1E-A10

$1 冰凍果香啤酒

這款啤酒味道類似 Apple Cider,加了冰塊後,果味仍然香濃,每日限量 1000 杯,要買到應該不難。

Brothers Toffee Apple$1/杯

攤位編號:3E-B07

場內3大優惠套裝推介

掃完美食之後,一眾吃貨可能意猶未盡,建議可以順便入貨手以下3款特惠食物套裝,返屋企再食過!

合味道 30週年福袋 送限量變色水杯

平常買個細size杯麵都要 $7-8,今次多加薯片,另有遇熱變色的限量水杯,別具紀念價值。福袋套裝價$70,假設個杯是免費送給你,杯麵薯片除開大約$7.8一件,都算抵買。

合味道杯麵福袋 $70 (每日限量1000套)
福袋內含5個普通裝和2個Big Cup杯麵。另有2包薯片及30週年限量版水杯1個。

杯麵當中包括最新推出的喇沙味。

攤位編號:1D-B02

$30 榮華福袋 低至一折

榮華月餅單位將於8月11 至 14 日,推出$30 福袋優惠,內含總值$260的食品組合,低至一一折!優惠會於每天上午十時及下午三時供應,各個時段限額 30份,下午出發的朋友都有機會!

$30榮華福袋 包括馬仔、中桃酥、瑤柱麵、芝麻糖、兔仔公仔及孖裝冰皮月餅換領券。

攤位編號:1B-B02

 

鮑魚海味福袋 六款食物不用$300

一向多優惠的安記海味,今年除了 $1拋寶牒贏鮑魚,同時推出 $268 福袋,包括溏心鮑魚及五款食物,對照原價都有65折,買番屋企加餸都好抵!

攤位編號: 1C-B10

 

美食博覽

地址:灣仔香港會議展覽中心 Hall 1 & 3(顯示地址
時間:8月11至14日10am-10pm, 8月15日10am-6pm
收費:$40/位
備註:尊貴美食區只開放至8月14日

延伸閱讀:
4大新奇 軟雪糕 推介!! 黑松露、仙人掌果食過未?

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..