流心奶黃月餅
流心奶黃月餅

【3點3啦喂】重現50年代懷舊餐廳 !! $9 流心奶黃月餅 +奶茶

飲食

廣告

今時今日,$10可以食到咩?如果可以歎到流心月餅和奶茶,你信唔信?美心月餅在銅鑼灣開設Pop-up Store,裡面的小食專區帶大家回到50年代,裝修成充滿懷舊feel的初代美心餐廳,餐廳一共有3款經典小食套餐,可以選 流心奶黃月餅 、經典雞批或皇牌咖喱角,再跟大大杯奶茶,價錢都係懷舊價,$9!Pop-up Store星期六開幕,下午茶可以去試下喎!

撰文:Joan│攝影:Yee、Him

$9 流心奶黃月餅 +奶茶

品牌今年60週年,特地開設Pop-up Store,3款經典小食套餐更加是$9的益街坊價,可選流心奶黃月餅、經典雞批或皇牌咖喱角,每款小食跟配奶茶一杯,夠滿足!小食先在品牌自家餅房製作,落order時再即焗香,包保熱辣辣。

流心奶黃月餅一向都受歡迎,餅皮奶味香濃,夾著甘香的鹹蛋黃,一切開即流心,焗熱後奶黃更為香濃,平時市價買盒流心奶黃月餅都要$326盒(8個),除返開都要$40/個,今次$9連奶茶真心超抵食!另外的咖喱角和雞批則是美心餐廳的熱賣小食,同樣即焗,酥皮味超香!

Order後會再reheat,一切開即流出奶黃和鹹蛋黃,未食都聞到勁濃奶黃香!

雞批夾著白汁雞蓉、火腿和磨菇,好香口!

咖喱角內有滿滿的肉碎、洋蔥和咖喱餡,非常足料!

懷舊環境 必影打卡位

小食專區的環境似足初代美心餐廳,紅白牆身配以粉紅霓虹光管,好懷舊!另一邊則充滿中秋氣氛,有立體大月亮、大件流心月餅和兔仔,天花板亦掛滿星星燈泡,必影!

紅白牆身,再有粉紅霓虹光管,裝修參照60年前最初的美心餐廳,勁有懷舊Feel!

連食物poster都用燈泡圍邊,似足舊時的後台化妝鏡。

更有關於美心歷史的小小展覽

行入少少又有打卡位,這邊的直立草地牆可讓你模擬躺在草地上歎月餅。

另一邊有立體大月亮、大件流心月餅和兔仔,更掛上星星燈泡,好像望著夜空賞月。

$20做善事+自製月餅手工梘工作坊

同場更有限量月餅禮盒和各款月餅卷發售,另外亦有月餅造型手工梘工作坊,只要先在網上登記,於預約的時間報到並捐出$20/位給香港樂餉社便可參與,而美心月餅將同時捐出1盒月餅予香港樂餉社,有得玩又做到善事,正!

 

工作坊有專人教導,使用天然番梘素材,造出「流心」月餅造型的手工梘,非常簡單便擁有一塊手作番梘,好好玩!

造型好像真的流心月餅!想知點整?就要報名上工作坊試試!

美心月餅Pop-up Store

開放日期:13/8-16/9
地址:銅鑼灣名店坊Fashion Walk加寧街8-10號地下2A號舖(顯示地圖)
電話:從缺

$9經典小食套餐詳情:
供應時間:星期一至五:12nn-2pm、星期六、日及公眾假期:3pm-5pm,每日供應約200份
備註:只收八達通

月餅造型手工梘工作坊詳情:
15/8的12nn會開放第二輪報名,工作坊參與製作時間在22/8日-28/8舉行
網址:https://www.facebook.com/maximsfestiveproducts/

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..