新年笑餐飽！10大最搞笑旅遊廣告片！
#1 唔想咁樣，要upgrade商務艙？
唔想同陌生肥仔頭貼頭瞓覺，仲要發埋咁得人驚的「春夢」，唔通真係要搭商務艙先得？咁窮鬼搭飛機點算啊！不過條片兩個男主角都做得幾好，特別係最尾「扎醒」個吓，完全feel到有幾驚！
#2 機長感動報告！
與其話呢條片搞笑，不如話感人好似更貼切，太太動員航空公司職員向丈夫宣佈肚入面係男B，仲要開心到全機人跳起歡呼，感動就幾感動，不過真實上又應該唔會有航空公司同機場可以俾你咁做，大家都係唔好亂學！
#3 成架飛機都係體育明星，都不及……
美斯？高比拜仁？計我話就咩都係假，點都及唔上一杯冰凍雪糕，反正人在飛機又走唔甩，食完先慢慢拎簽名啦！
下頁續：壯男索女真空上陣？
延伸閱讀：
#4 無遮無掩 光明磊落
嗱…..條片雖然有大量壯男美女的裸體彩繪，但係少少色情成份都無架，只不過想表現出航空公司無嘢唔見得光，行得正、企得正咁話！
#5得意動物旅行團？
一個人旅行唔一定危險，但一班人旅行就一定安全得多，歌仔都有得唱「一枝竹仔會易折彎，幾枝竹一扎斷折難」，睇下班動物點保護朋友又幾得意！
#6 都係買份旅遊保啦！
跳又死、唔跳仲死！當你做緊針灸成身插滿針，仲要不幸遇上火災，要由3樓跳落街，呢個時候你可能會醒起，早知買份旅遊保啦！
#7當女海關遇上…世界冠軍&朱古力
咩係「假公濟私」？兩位靚女海關完美演繹啦！不過睇完又諗起早前有單強國新聞，有網民話自己係日本買落大堆零食郵寄返去，點知返到屋企打開一睇，零食只係得返包裝，邊個食咗就真係無人知喇……
下頁續：老夫老妻 最愛重口味旅行
#8 Captain Cool都會腦閉塞
如果真係似條片咁講，飛得多會大腦思考力下降，咁搭飛機本身就好危險喎……
#9 重口味老夫婦
睇咗幾次先明，原來係一對老夫婦諗住玩「格雷遊戲」，點知婆婆個行李拎錯咗，搞到婆婆嬲到要即刻打電話投訴，最正係片尾公公已經等唔切，準備著裝備上身啊！
#10 勤去旅行 密密做人
丹麥出生率極低，似乎個個都掛住返工無心機「做人」，不過條片就話出國旅行「做人」的成功率夠高，鼓勵大家去多幾次旅行咁話，唔知政府有無津貼呢？
延伸閱讀：
達人帶路 黃山流雲攝影團
有到日本旅遊前要了解的實用資料嗎？
日本是香港人最愛的兩大旅遊地點，去旅行前必看5大旅遊保險保障新冠肺炎的比較，另外為你推介日本10大好用電話卡，亦可參考日本8大Wifi蛋推介。當然亦要事先了解日本地區天氣、電壓、電源插頭、入境簽證要求及大使館電話。
