愉景灣夏日
愉景灣夏日

無敵海景相伴 愉景灣夏日 美食玩樂團!@Dining娜

飲食

廣告

(Presented by 香港愉景灣)

Text: Dining娜 photo: wyman

難得遇上好天氣,當然要出去搵美食,順道同陽光玩遊戲!聽朋友講, 愉景灣夏日 最近玩緊「Colour Your Summer」主題,唔單止有全港最大型沙灘充氣迷宮同室內色彩藝廊任你玩,仲有多國特色餐廳,最重要係有無敵大海景相伴,簡直係人間天堂啊!今次我Dining娜一於親身去試玩試食,再同大家report睇下係咪咁堅!

美食check point 1:全港最大充氣迷宮~ 內有乾坤!

美食check point 2:愉景灣D’Deck歎美景+泰國菜!

講到食嗰方面,喺愉景灣真係唔使擔心,因為無論係愉景灣碼頭旁嘅D’Deck,抑或係愉景北商場,都有各國美食任你揀,除有港人至愛嘅日本菜同韓國菜,仲有泰國菜、西班牙菜、新派法國菜等。今次我就揀咗位於D’Deck嘅Koh Tomyums泰國菜餐廳,對住無敵海景食飯,真係好寫意,情侶嚟撐枱腳一流啊!重點係佢嘅食物好有地道泰國風味,仲有我至愛嘅芒果黑白糯米,正呀!

香燒辣醬羊仔扒 $152
羊仔扒肉嫩多汁,加上辣醬的微辣,令人回味!

芒果黑白糯米 $62

越簡單越考功夫!最怕食到煮得太腍嘅糯米,呢度嘅芒果鮮甜,糯米煙韌,大滿足!

(左)珍多冰 $38(右)三色冰 $38
好多人怕泰式特飲太甜,但呢兩杯飲品味道啱啱好,椰子味好香,而且相當透心涼,為炎夏降降溫。
美食check point 3:自己咖啡自己拉花~

食完飯,就轉戰愉景北商場。嚟到呢度,我通常都會歎返杯咖啡,事關可以飲得好有創意!%Arabica有拉花教學,只要俾$50,就可以跟專業咖啡師學習咖啡拉花,然後品嘗自己嘅作品,好有成功感!

響%Arabica隔離嘅色彩藝廊,聽聞裡面有幅彩球創意牆好多朋友都大呼過癮。見到實物,終於明白點解叫創意牆,真係要有創意先會砌到圖案架~

砌出七彩心意向女朋友示愛,肯定sweet到爆!

色彩藝廊隔離有個工作坊,見好多人都聚精會神咁,原來係創作屬於自己嘅草帽。嘩!好襯今個夏天,色彩繽紛,我決定都整番一頂先。

獨一無二嘅感覺真好,出街唔怕同人撞款啦。

美食check point 4:愉景北商場歎東南亞夏日滋味!

動完腦筋又心思思想食下午茶。揀咗愉景北商場嘅東南亞餐廳The Venue,各款惹味嘅串燒非常吸引,加埋鐘樓、海景互相輝映,真係值回票價!

(左)The venue snack platter $168(包括一杯凍檸檬茶);(右)Frozen magarita $68;Fruit infuzed water $68

歎完個開胃嘅小食拼盤, 再加埋杯冰凍cocktail ,夏日感覺返晒嚟。唔飲酒嘅朋友可以試下加咗鮮果嘅infuzed Water,味道清甜爽到爆,精神為之一振,今次飲食之旅可謂perfect!

網址:www.visitdiscoverybay.com

Facebook:香港愉景灣 (香港愉景灣 Visit Discovery Bay)

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..