「 10大旅遊危險國家 」你唔係咁都信啊?@杜遊珍
「 10大旅遊危險國家 」你唔係咁都信啊?@杜遊珍

「 10大旅遊危險國家 」你唔係咁都信啊?@杜遊珍

有見紙媒日漸式微,阿珍最近都同唔少網媒合作,為轉型做準備。不過網上世界千變萬化,唔少網站為出位,近年都喜歡用「冧把降文章」(簡稱「冧把文」),咩「9大必睇乜乜乜」點列式文章就最易呃like,唔少編輯都叫阿珍用同樣方式交稿,老實講,我就唔太Buy喇!皆因係行內人都知,呢類冧把文大多都係content farm 文章,旨在呃click rate!

撰文:杜遊珍|圖片:新傳媒資料室

10大旅遊危險國家
Skyscanner台灣分站早前於7月19日刊登名為「 10 大旅遊危險國家 」的文章,文章不到一周便已經急急下架。

話說早兩星期,Skyscanner 台灣分站就出了篇文章,以「 10大旅遊危險國家 」作標題,作者Cynthia Chang 就憑直覺將比利時、印度、土耳其等國評為危險國家,就連港人最愛的泰國都榜上有名,文章一出隨即引來網民不滿,連泰國通胡慧沖都認為文章誇張失實!阿珍深表認同,皆因成篇文章未有援引任何數據,反映作者完全冇做功課,吹得就吹!再者,點為之「旅遊危險國家」先?講危險,地溝油、黑心食品、豆腐渣工程、被失蹤等荒謬慘劇又點算先?偉大強國竟然榜上無名,我就打死都唔會信喇!

泰國是港人熱選旅遊國家,文章一出隨即令唔少泰國fans嬲嬲豬!
泰國是港人熱選旅遊國家,文章一出隨即令唔少泰國fans嬲嬲豬!

講還講,阿珍唔係話所有冧把文都信唔過,冧把文只不過係格式的一種,阿珍會利用今次件事警惕自己,日後出文都要做足research,唔係分分鐘畀人笑到面黃啊!

最新吃喝玩樂資訊