平到笑搶先住! $899起住澳門 「 巴黎人 」 !
廣告
今年 澳門 認真多新酒店，數數手指都有三、四間，齋講名行外人可能都未必分得清。如果講澳門版巴黎鐵塔，清楚未？話題酒店 巴黎人 鐵定9月13日正式開幕，記者上周到場直擊，現場睇這一座比原版小一半的鐵塔，感覺都幾震撼，影相效果呃到下人，隨時話身在法國都有人信。
撰文 : yuki 攝影 : tommy、twotung 及網上圖片
雖然未睇到酒店內部，不過宮殿式建築金碧輝煌，以為房價都會走貴族路線？非也，有旅行社搶先推出套票，平日出發連船飛和鐵塔觀景台門票都唔使九百，比起即將開幕的永利皇宮，最少一千蚊起跳平少少，超抵住！
酒店內有三分一的套房面向塔景，在房就可以睇到夜間的鐵塔燈光騷。
記者仲上埋頂層觀景台，比旁邊的8字摩天輪還要高，不過兩個觀景台門票未定價，估計比摩天輪貴少少，話晒有360o 景！
豪華客房有350平方呎，無同系的威尼斯人普通房咁闊落。
$899起 澳門巴黎人2日1夜套票
住宿：雙人豪華大床客房（非鐵塔景）
已包： 金光飛航來回船票 、觀景台（7/F）門票、自助早餐或午餐及限量版開幕禮物
入住日期： 9月14日至2017年1月27日
稅項及雜費：$40
備註： 須於9月14日前預訂；星期一至四出發$899起、星期五出發$1,099起、星期六出發$1,399起、星期日出發$999起；每位計必需2人同行
查詢：搵房2 2311 8948
