瑞士絕景 Spa
瑞士絕景 Spa

一定要帶女朋友去! $560歎 瑞士絕景 Spa

旅遊

廣告

旅行影放閃相夠呃like?未算,放閃到瑞士先係呃like之最!如果真如入行近十年的同行旅遊攝記所言,「瑞士,係我去過最靚的地方!」唔係同最愛的他/她去,你夠膽講,仲有邊個呢?今次先介紹你去 瑞士絕景 Spa!誓行幫你(女友)留下倩影,不枉此行!喂,講咁多,首先你要有……呢方面記者真係愛莫能助,未有著落的,Cheer up!當做定功課嘛!

撰文:莉達@一起分開去旅行|攝影:wing

[embedyt] http://www.youtube.com/watch?v=434VREaF8HU

[/embedyt]

$560去 瑞士絕景 Spa 吸Like 女友實讚!

其實感情同絕景一樣,有Feel的,又何需千言萬語!這張面向瑞士名景琉森湖 (Lake Lucerne ),於水內與絕景融為一體,不講不知是在酒店Villa Honegg內影的 Spa泳池相一出,相信已俘虜了不少人心!更重要是,Spa單次入場價只需CHF70/HK$560!因此絕景Spa兩年前建成,已隨即成為遊覽琉森的新寵!

瑞士絕景 Spa
一進場,已感受到既被綠草包圍,又可俯瞰湖景的Spa泳池魔力!
Spa泳池四季皆有暖水放送,絕景內水蒸氣頓變仙氣;為女友在Infinity Pool影一張「浸」在琉森湖內的「背多分」美照,真的錫晒你!
Spa泳池四季皆有暖水放送,絕景內水蒸氣頓變仙氣;為女友在Infinity Pool影一張「浸」在琉森湖內的「背多分」美照,真的錫晒你!
美景當前,但在海拔3,000公尺高浸浴都咪話唔凍,好彩一落水,啲水暖㗎!
美景當前,但在海拔3,000公尺高浸浴都咪話唔凍,好彩一落水,啲水暖㗎!
「只羨鴛鴦不羨仙」?我說與愛人來到這個仙境,鴛鴦是你,神仙也是你!
「只羨鴛鴦不羨仙」?我說與愛人來到這個仙境,鴛鴦是你,神仙也是你!

記得趁早Book! 歎埋桑拿乜乜乜

對我等一心想來呃like和歎靚景的港女來說,最怕來到人山人海,但驚喜在我們星期日下午到達,Spa只見幾對情侶和家庭,不算多人,大家亦自覺地在「絕景影相位」逗留15分鐘便移開,影相唔算難。反而因為Spa在星期六並不對非酒店住客開放,其他日子亦只因應本身住客數目而提供少量位置予「街客」,所以記得提早Book!$560 Spa價仲包桑拿同健身室等其他設施㗎!

這個圓形按摩池,是最受歡迎影相位,歎得來又向琉森湖延伸,令人有浸在湖內的錯覺!大人細路都鐘意!
圓形按摩池,是最受歡迎影相位,歎得來又向琉森湖延伸,令人有浸在湖內的錯覺!大人細路都鐘意!
池內想歎埋紅酒都得,酒店有膠酒杯供應,夠晒安全。To Lucerne!
池內想歎埋紅酒都得,酒店有膠酒杯供應,夠晒安全。To Lucerne!
池內人多時去躺太陽椅,有草有湖一樣靚!
池內人多時去躺太陽椅,有草有湖一樣靚!
Spa亦四季皆宜,夏天到綠草如茵,冬天來四處被白雪覆蓋,一樣充滿童話感覺。 圖片來源:Hotels in Heaven
Spa亦四季皆宜,夏天到綠草如茵,冬天來四處被白雪覆蓋,一樣充滿童話感覺。(圖片來源:HotelsinHeaven)
Spa位置旁亦有室內暖水泳池,浸悶了可進來飲杯茶游個水。
Spa位置旁亦有室內暖水泳池,浸悶了可進來飲杯茶游個水。
浸完絕景Spa,男朋友可以去做gym、女朋友可以焗桑拿,都咪話唔梳乎!
浸完絕景Spa,男朋友可以去做gym、女朋友可以焗桑拿,都咪話唔梳乎!

浸靚靚後 加$320食埋個景!

未夠喉的,其實酒店一道午餐主菜都只係CHF40/HK$320起,在露天餐廳享用可以繼續遠眺琉森湖,食埋個景!

Spa加一道午餐主菜加埋只係$880,在二樓的露天餐廳享用仲可以食埋個景,下機後絕對值得到此一遊。
Spa加一道午餐主菜加埋只係$880,在二樓的露天餐廳享用仲可以食埋個景,下機後絕對值得到此一遊。
房間一晚$3,920起,但另在附近訂間千零蚊的酒店下榻,便可自製超值享受;不過如閣下銀彈充足,就可待女友如公主般高貴!
房間一晚$3,920起,但另在附近訂間千零蚊的酒店下榻,便可自製超值享受;不過如閣下銀彈充足,就可待女友如公主般高貴!

交通安排好 女友冇勞嘈!

絕景Spa酒店的位置相當方便,從蘇黎世機場坐1個多小時火車到Stans,轉坐10分鐘巴士到Ennetburgen站,另有免費巴士接送到酒店。酒店巴士同樣要提早book!
絕景Spa酒店的位置相當方便,從蘇黎世機場坐1個多小時火車到Stans,轉坐10分鐘巴士到Ennetburgen站,另有免費巴士接送到酒店。酒店巴士同樣要提早一天book!
遊瑞士記得買Swiss Pass,已包括大部分公共交通工具車票、免費參觀博物館、大部分高山鐵路可享半價優惠。8天票價每人CHF363/HK$2,904(普通等級),另有3天、4天及15天套票,詳情可向瑞士旅遊局查詢。 網址:www.myswitzerland.com
遊瑞士記得買Swiss Pass,已包括大部分公共交通工具車票、免費參觀博物館、大部分高山鐵路可享半價優惠。8天票價每人CHF363/HK$2,904(普通等級),另有3天、4天及15天套票,詳情可向瑞士旅遊局查詢。
網址:www.myswitzerland.com

Hotel Villa Honegg

地址:6373 Ennetbürgen, Switzerland(顯示地圖
電話:+41-(0)-4-1618-3200
Spa收費:單次入場費CHF70/HK$560(星期六除外,6am-10pm)Spa+晚市套餐CHF 190/ HK$1,520起(包括4道菜和香檳)
房價:每晚$3,920起
交通:從蘇黎世機場坐1個多小時火車到Stans,轉坐10分鐘巴士到Ennetburgen站,有免費巴士接送到酒店。
網址:villa-honegg.ch/en
備註:酒店Spa及接送巴士需在前一天預約

更多絕景推介,請留意第882期《新假期》。稿內有多個另類方法歎絕景,有動有靜,附送專業攝影師的攝影貼士、Model的甜美演譯、記者的厭尖要求……誓行幫你(女友)留下倩影,保證不枉此行!

更多絕景推介,請留意第882期《新假期》。稿內有多個另類方法歎絕景,有動有靜, 附送專業攝影師的攝影貼士、Model的甜美演譯、記者的厭尖要求…… 誓行幫你(女友)留下倩影,保證不枉此行!