濟州眼已冤 2大 情侶打卡 勝地|韓國濟州
濟州眼已冤 2大 情侶打卡 勝地|韓國濟州

濟州眼已冤 2大 情侶打卡 勝地|韓國濟州

記者上個月去了一轉濟州,大部分韓仔韓妹專程飛來度假,除了享受陽光海灘,更帶埋情人放閃,去到當地今期最流行的 2大 情侶打卡 勝地 :彩虹學校和瑞士村民宿。一雙一對著晒情侶衫,在七彩建築前拍攝一系列甜到漏的浪漫靚相,令我這個工作中的單身港女勁眼冤。

撰文:[email protected]港女講旅行 攝影:Mark

1)免費任影唔嬲!彩虹學校

_MG_0939
學校曾因收生不足差點被殺校,不過兩年前借場給手機廣告拍攝而全面翻新響朵。

著情侶衫自拍婚攝靚相

想省錢影婚攝,韓國情侶都會自己帶埋腳架,在靚景面前自拍婚紗相。在這間位置頗隔涉的「彩虹學校」,在課餘時間開放公眾免費入場,任影唔嬲。我就見到至少3對拍婚紗相的準夫婦,未結婚的就著晒情侶衫,情到濃時就錫錫,無眼睇!問過他們,他們閒閒地都會在小學留兩三個鐘影相打卡,亦都有附近的居民帶小朋友到草地操場席地野餐。

_W0A9654
帶埋相機、腳架,韓國情侶影婚紗相又靚又平。
_W0A9603
韓式戀愛文化就是要著情侶衫,看看街上的韓仔韓妹襯晒衫都零尷尬。

港女也很想拍吧……

港女們想帶埋男朋友影沙龍?男士會問,在這裡影相之外,仲有甚麼可以做?我可以答:沒有,只得影相。附近只有民居和蚊形食堂,除非自駕或包車,可以順道去埋十分鐘車程的涯月邑海邊,否則帶住唔鍾意影相的港仔男友到場,實被呻爆。跟閨蜜來吧!眼見韓妹約埋閨密襯好衫拖喼到場,帶齊道具花圈腳架,這個畫面真的很有愛!

_W0A9648
一班韓妹閨蜜拖住喼到場影相,這一刻我覺得我這位港女輸了。
_W0A9667
學校前有一大片青草地,影相很靚。

「彩虹小學」애월초등학교 더럭분교장

地址:제주특별자치도 제주시 애월읍 하가로 195(濟州道濟州市涯月邑下加路195)
開放時間:平日6pm-日落;星期六1pm-日落;星期日及公眾假期9am-日落
入場費:免費
交通:由濟州市乘970號巴士,於더럭분교下車,車程約40分鐘,下車行1分鐘即達

2)住進七彩小屋!瑞士村民宿

_MG_8764
村內暫時只開放19幢彩色小屋,到年底更會有40幢陸續建成開放。

入住七彩小屋民宿

今年3月才開幕的瑞士村民宿,正正是濟州今期最流行的打卡地方。同樣是七彩繽紛,19幢小屋外牆髹上紅、黃搶眼顏色,老遠都睇得見,不怕找不到路。小屋沿暗斜小路依山而建,地下是當地人設計的特色手作小店和cafe,樓上兩層則是民宿房,走入去就似置身歐陸小鎮。韓仔韓妹唔住,都會專誠來影相放閃,或者逛逛不定期舉行的手作市集。

_MG_9086
韓妹來到要先在村口打卡位影相。

遊客值得住嗎?

想貫徹睇靚景,仲想住埋靚屋,瑞士村民宿都值得考慮。外表呃like之餘,房內的裝潢都好骨子,風筒、沐浴用品、汽水茶包、熱水壺都有齊,與酒店房沒有分別。入住Deluxe房最平₩130,000/HK$872,更有埋對正彩色小屋路的露台,可以在房繼續影過夠本;房內有私家浴室廁所和煮食爐,可以留在房煮飯仔。不過瑞士村的位置不就腳,離機場約40分鐘車程,出入不太方便,建議包車自駕旅行先好住。

_MG_8991
Deluxe房有露台睇靚景,不過室內空間不大,打開喼即刻覺得窄。

Swiss Village

房價:Standard房₩110,000/HK$738起;Deluxe房₩130,000/HK$872起;Suite₩160,000/HK$1,073起
址址:濟州道濟州市朝天邑卧山里1584-1(제주특별자치도 제주시 조천읍 와산리 1584-1)
電話:+82(0)64-744-6060
網址:swissvillage.modoo.at
備註:於Agoda訂房有不少優惠,基本房最平一晚HK$428起

最新吃喝玩樂資訊