仙氣!昂坪 棧道 賞蝶打龍 輕鬆遊|周末遊懶人包

身為一個廿四孝暖男,每天也在「諗計」逗女朋友開心。要知道暖男除了出街帶紙巾,放假的拍拖好去處也很重要,所以不如走走昂坪纜車底下的山中棧道。先搭纜車睇機場靚景,再到昂坪市集賞蝴蝶,最後朝下山方向走棧道回東涌作結,中途有多個影相位,可拍出仙氣女神照,全程約三小時,輕鬆一日遊,搞掂!

撰文:[email protected]廿四孝暖男 | 攝影:Chi

第一站 !「穿窿」纜車睇靚景

同女朋友行山首要輕鬆,所以記緊要由昂坪起步調轉行,先搭纜車上山,省點腳骨力,又唔使熱到囡囡成身汗,仲可以睇到機場同東涌靚景!

pfeature_360_07

搭纜車上山途中,可以睇到棧道在你腳下,到時只要跟著纜車方向就不會迷路。

pfeature_360_12

到時記得揀「穿窿」水晶纜車呀,搭纜車咁「離地」女朋友驚驚仲唔自動攬實你咩!

第二站! 昂坪「你叫我玉蝴蝶」

一踏出纜車,平日充滿佛氣的昂坪市集變得仙氣處處,原來昂坪有近過百種蝴蝶,而其中「昂坪三寶」草黃弄蝶、鈎型黃斑弄蝶及東亞矍眼蝶更係非常罕有,所以昂坪市集放置了不少蝴蝶影相位等大家打龍親親蝴蝶。

pfeature_360_13 pfeature_360_14

pfeature_360_15

但始終佢識飛你唔識飛,有時真的一蝶難求,所以蝴蝶專家特意在昂坪設計了一條蝴蝶徑,等你可以輕易「野生捕獲」到蝴蝶。

pfeature_360_16

三寶之一的東亞矍眼蝶,佢係非常罕見的眼蝶。後翅有三個眼斑,到底佢係三眼仔定二朗神?

882C_Play_360_02

 

第三站!山中棧道 影 仙氣女神

山中棧道原是纜車的緊急拯救通道,但亦開放作行山徑。由於該帶山多斜度高,故以木棧道形式連接山中。行山連拍攝約三小時。途中有多個影相位,文青、仙氣、女神風格都可拍到。其中必影是一條接近垂直的V形木樓梯,走時一步一驚心,影相效果一絕。另外亦會經過纜車塔,記者跟乘客揮手,更偷聽到他們對話,真正零距離接觸。走至後段可看到開揚機場靚景,睇飛機睇到唔想走。最後下山後可去看看候王廟及炮台等古蹟,完成一日的輕鬆小行程。

pfeature_360_01

棧道其中一段可清楚看到機場,真係睇飛機睇到唔捨得走,亦可遠望屯門市區。

pfeature_360_04

棧道大部分都有樹木遮掩,整體不太曬。學Model坐在木道旁,襯上樹景,即刻山系仙氣上身。

pfeature_360_05

接近垂直的V形樓梯是棧道必影。咪睇Model企定定好輕鬆,其實重心高如記者般的米八高登仔更難行。

pfeature_360_10

文青女神又點少得在塔底影上去的幾何抽象圖。

882C_Play_360_03

882C_Play_360_01

最新吃喝玩樂資訊