羊咩大哂!商場肥羊逐隻捉!

香港好去處

廣告

農曆新年就到,唔少商場都放滿得意羊仔,想知邊款羊仔最啱心水,就要留意以下十大商場推介啦!成班趣緻羊咩陪你過肥年,就算係行商場都唔怕悶啦!

 

癲倒傳統招財貓

銀幕上有電影版《多啦A 夢》,現實中有立體《癲噹》雕塑。本地出品的插畫角色癲噹,分別以日式、中式招財貓造型示人,當中5米巨型癲噹會在大門日日招財,萌爆!

900
5米癲噹身旁有8隻1.3米高癲噹坐鎮,分別祝大家 「大吉大利」、「財源廣進」。

癲噹招財貓賀新禧
地點:尖沙咀iSQUARE門口及大堂
日期:即日至3月8日
查詢:3665 3333

唔駛去到元朗都有羊咩疊羅漢

想見真羊雖然難過登天,但好在有11隻毛茸茸綿羊公仔陪住大家,逗大家歡喜!綿羊公仔在4個5米高巨型燈籠裝置內曬日光,部分更以「疊羅漢」姿態出現!讓大家任攬任抱,夠晒親民。加上逾千朵牡丹花襯托,羊年一定紅過紅燈籠。

302
有成個人咁高的「疊羅漢」綿羊,將會 在5米高立體剪影花燈內迎賓。

喜羊迎春
地點:朗豪坊4樓通天廣場
日期:即日至2月28日
查詢:3520 2800

功夫熊貓 大肚腩打真軍

電影中肥騰騰的阿寶功夫了得,早前就已經捧住大肚腩跟本地運動猛將切磋球技。新年仲同蓋世五俠跳出平面,用互動裝置教大家耍功夫,神遊神龍大殿神龍大俠麵店聖桃樹等多個立體電影場景!裝置布局一絲不苟,皆因全部由Dreamworks夢工場御用大師Schim Schimmel揸旗設計,身在其中可一覽大師的功夫熊貓畫作,體藝兼備,絕對要拜訪一下。

102
神龍大俠麵店整裝待發,大師傅、蓋世五俠 將會在吉時開舖迎賓, 無時停的阿寶將於 8/2、22/2及1/3(12nn-10pm)同大家見面。
002
懶洋洋的阿寶,最鍾意在樹下賞花。
108
腰闊1.4米.阿寶,向金腰帶拳手曹星如挑機。

功夫熊貓.動喜來
地點:奧海城2期地下主題中庭
日期:即日至3月8日
查詢:2740 4108


下頁續:為你介紹較優雅恬靜的商場新年裝飾!
更多新年資訊:搶先賀年朱古力禮盒

更多新年資訊:金羊蜂蜜蛋糕 閃耀新春拜年

文青式優雅日式庭園

My Sweet Piano本來是My Melody 身邊一個沉默的妹仔,是一個愛寫俳句的治癒系文青,誕生於2005年,花了10年時間才攀上人氣榜。今年首次擔正就獻給香港,文青春日庭園包括由桃花樹圍繞的城池、鳥居、小木橋、日式園景及太鼓神轎。My Sweet Piano好靜不愛鑼鼓,於是穿上各式新裝和服、浴衣、棉襖,實行默默地陪你過新年。

405
粉色城池台前有鏡餅、和菓子,可以認識日本新年習俗 。
401
日本新年會擺設用松竹製作的門 松迎接歲神。
406
食Piano 套餐就可將願望寫上祈 願板,即場掛上。
599
商場內Panash Café推出 Piano羊架套餐 ($128),有自 己食自己 之嫌。

 

My Sweet New Year
•地點:新蒲崗太子道東638號Mikiki地下中庭
•日期:即日至3月5日
•查詢: 3980 9930

草泥馬?草藝十二生肖慶團圓

IFC Mall展出園藝節慶裝置,除了羊仔之外,其他生肖都粉墨登場,利用各種植身化身為不同動物跟大家見面。唔講唔知,原來不同生肖都有屬於自己的幸運植物,有興趣的朋友可以參考生肖附近提供的園藝開運心得!

羊仔著住綠油油的新衫,非常清新。
羊仔著住綠油油的新衫,非常清新。
同場仲有得意馬騮,造型夠哂吸引。
同場仲有得意馬騮,造型夠哂吸引。

生肖致福慶團圓
地點:IFC商場一樓
日期:即日起至2月27日

 

暖笠笠羊毛花園

國際羊毛纖維紡織品認證機構The Woolmark Company,以香港作為羊毛展覽項目首站,展出原毛、絨線等羊毛初形,還有羊毛編織師駐場教授編織技術,同場展出本地羊毛氈藝術家Debbie Leung的6套羊毛新衣。

907
Debbie利用草本植物為羊毛氈作品上色,保持羊毛的 天然色澤。

春意綿綿牧羊花園
地點:將軍澳東港城
日期:即日至3月8日
查詢:2628 7399

 

羊式風車 吹走家居多餘雜物

羊年想轉運,不妨到風車谷兜個圈。紅粉緋緋的風車谷,以16呎高巨型風車裝置、過千朵粉紅花及本地設計的沙發座椅打造,利用羊形座椅、摺枱等教大家13個家居慳位小貼士,學識善用家中每一寸空間,減少雜物,人都醒神啲啦!

場內揉合羊年概念設計的桌椅,由The HK Room 「寄寓」創辦人陳麗喬與李麗冰主理。
場內揉合羊年概念設計的桌椅,由The HK Room 「寄寓」創辦人陳麗喬與李麗冰主理。

 

春意「羊」溢風車谷
地點:MCP新都城中心2期
日期:即日至3月8日
查詢:3194 3200

下頁續:其實新界嘅商場都好多花臣,一於去光復新界啦!
更多新年資訊:【自煮賀年菜1】賀歲超滑私房雞@Jacky Yu

更多新年資訊:【自煮賀年菜2】好市蘿蔔餅@Jacky Yu

香港味道 重溫舊年華

花樣年華,並非只存在於王家衛的電影世界,去荃灣就可以重見年華。整個老香港場景以荃灣首個公共屋邨福來邨為設計藍本,重現跳飛機氹氹轉等60年代屋邨仔恩物,還將川龍端記茶樓海記士多等老舖移師展場,再加插60年代照片、舊式電器、家具等500件展品,情人節同另一半孖住嚟,扮下偉仔同曼玉都幾好玩吖!

203
天虹影樓展出的黑白照片,出自本地攝影師翟偉良之手。
210
裝置模仿海記士多、端記茶樓的原型布置,保留原有格局。
211
單位內的6、70年代收音 機、風扇、水煲等,由收藏家李守政借出。

福來金禧賀新春
地點:荃灣愉景新城
日期:即日至3月8日
查詢:2940 2822

 

本土士多夾零食

本地暢銷繪本作家梁進筆下的「阿呢」帶埋好友阿貓、阿豬及女朋友「公主病」,聯手打造特別版的「新春美食街」,由街頭食到落街尾,人人都可以體驗傳統節慶美食情懷,懷緬昔日香港地人情味滿載的老店食肆,感受不一樣的新年氣氛!

商場設有「好運士多」,阿呢及其好友化身成店主及店員售賣各種懷舊零食及飲品。
商場設有「好運士多」,阿呢及其好友化身成店主及店員售賣各種懷舊零食及飲品。
於商場消費滿指定金額可以免費參與夾零食遊戲,將眼鏡朱古力、戒指糖、白兔糖帶返屋企!
於商場消費滿指定金額可以免費參與夾零食遊戲,將眼鏡朱古力、戒指糖、白兔糖帶返屋企!

 

好運羊年 年宵市集
地點:上水中心購物商場及新都城中心一期
日期:即日至2月18日

韓風PONY BROWN羊羊襲港

PONY BROWN來自韓國,今次係第一次正式登陸香港同大家見面呀!眼細細cute到爆嘅Mariff,戴上羊咩頭飾後可愛度更上一層樓,而且更化身為布公仔,等Fans可以帶佢返屋企咁話喎!

Uptown Plaza CNY (8)

場內得意毛氈織藝作品由本地羊毛氈手作達人製作,展出多件迷你版PONY BROWN及一眾主角,以及多款新春賀年裝飾。

 

新達廣場 x PONY BROWN如意吉「羊」迎新春
地點:大埔南運路9號新達廣場
日期:即日至3月1日

更多新年資訊:MR. HAPPY & LITTLE MISS HUG訪港拜早年!開心share快樂tips!

更多新年資訊:【辦年貨手冊】專家教你揀海味 – 冬菇篇