澳門星級享樂6大精彩推介＠Travel佳

暑假啱啱開始咗啦！好可惜阿佳已經一早過咗學生時代，享受唔到呢啲悠長假期啦！與其喺呢啲旅遊旺季捱貴機票，倒不如同女朋友嚟番轉一、兩日嘅小旅行，假都唔使拎，輕輕鬆鬆漫步同食好西，已經令阿佳心滿意足！

講到短線旅行嘅最佳選擇，距離香港1個鐘船程嘅澳門就最啱啦！不論食、住、玩樂，澳門都夠晒多姿多彩，加上嚟緊好多新酒店開幕，Hea Hea 哋絕對夠你歎番一、兩日！如果帶啱信用卡嘅話，分分鐘現金都可以唔使帶，隨時話走就走呀！近排見到Mastercard喺澳門都做緊好多著數Offer，有啲都幾值得參考㗎～

第1大 : 平歎豪華頭等船艙

平時工作咁辛苦，去得旅行梗係想歎吓啦！去澳門雖然只係1個鐘左右，阿佳一樣要追求極致享受！其中金光飛航嘅頭等艙啱啱先做完翻新，可以舒舒服服咁坐住全真皮座椅，再悠閒咁食埋個豐富早餐，話咁快就差唔多到達澳門！

第2大：攝人4D奇幻世界

阿佳落船之後當然要即刻玩番轉先啦！3D立體幻覺美術館近年大受歡迎，但澳門十六浦竟然有全澳門首個4D美術畫嘅場館，阿佳梗係要率先去體驗一下！叫得上4D，除咗視覺錯覺同特效燈光刺激感官之外，仲有模擬聲效同埋大量Props，淨係影相都可以同女朋友玩半日呀！更加爽嘅係，原來用Mastercard買飛又有8折，每人幾十蚊就可以化身畫中主角，盡情Selfie一番！

第3大：豪食米芝蓮餐廳

玩到差唔多就梗係要醫肚啦！澳門除咗地道小食，仲有好多具國際水準嘅高級餐廳㗎！阿佳一向食得招積，今次就一早用World Mastercard Book咗間位於新濠天地、榮獲米芝蓮二星殊榮嘅「譽瓏軒」 同女朋友食番餐好嘅！以米芝蓮星級餐廳嚟講，呢個二人套餐價錢十分相宜，但菜式絕不簡單！蜜汁叉燒係以西班牙黑豚炮製、酸辣羹用上北海道毛蟹，前菜更加有法國生蠔配以冰梅溫室小番茄，女朋友食到讚不絕口！每人幾百蚊就可以品嚐到米芝蓮二星嘅質素，簡直係超值呀！

第4大：嚐得獎中菜廳

唔知大家去旅行時有冇遇到啲傳統少少嘅親戚朋友，去到邊都要食番港式燒味先至安樂嘅？有嘅話唔使煩，一於學阿佳咁，帶佢哋去試嚟自香港兼榮獲米芝蓮一星推介嘅「新斗記」啦！ 其中佢嘅火山石即燒乳豬更加係佢嘅鎮店之寶！用埋Mastercard 仲可以用半價享用佢個玫瑰豉油雞添！

第5大：唔使坐飛機　都嚐到嘅外國滋味

除咗米芝蓮餐廳外，阿佳都有啲抵食推介！喺威尼斯人度假村嘅威豐味環境寬敞舒適，自助餐形式包羅晒來自世界各地嘅美食，加上鄰近金光綜藝館，仲要全天候24小時營業，無論玩到幾夜都仲可以飽餐一頓啦！

第6大：平歎殿堂級食府

淨係食環境都已經值回票價啦，依到由著名設計師Hasmioto Yukio同埋David Sung精心設計，格局充滿日本及現代美學元素，環境極之舒適，加上食物絕不欺場，如空運南非龍蝦、阿拉斯加皇帝蟹腳、即開生蠔，種類夠晒多。

優惠由即日至2016年12月31日

相關條款及細則請瀏覽Mastercard網頁：http://bit.ly/29J30tR