空姐 形象無晒? 機上廣播甩轆有理喎!
空姐 形象無晒? 機上廣播甩轆有理喎!

空姐 形象無晒? 機上廣播甩轆有理喎!

有 空姐 做機上廣播嗰陣,將「聯合國兒童基金會」講成「連核格兒童基斤會」,同行都忍唔住網上投訴。個Post 一出,花生友即刻加把口,話 空姐 變譚仔阿姐真係接受唔到囉!

撰文:杜遊珍 攝影:互聯網

咪住先,阿珍嘅空姐朋友明明話,佢哋職前考試真係要pass 咗中英普3語機上廣播,先可以畢到業,咁無奶油差到咁都上到機?!一再詢問,原來機上廣播甩轆炒粉都有唔同情況同理由,一於同大家分享返!講就咁講,接唔接受就由你喇!

空姐 02

個post 見於空姐 Secrets,連自己友都睇唔過眼!

聯營航班的禍

空姐 03

好似國泰咁,因為要通過廣播考試先可以pass,正常都唔會有咩狀況。不過有時因為同其他航空公司合作,好似日航、南航同馬航咁,對方嘅空姐都有機會做廣播,但「講東話」就……你懂的。而呢類航班安排通常無咁有默契,臨時換人都經常發生,咁窒機都好人之常情咁話。

煲冬瓜並不普通

學過煲冬瓜的都知道佢個名普通,但聲韻調一啲都唔普通。所以話有時聽普通話廣播,都聽到有唔少笑料。好似降落時如噴空氣清新劑,會叫大肚婆掩口,結果孕婦變怨婦。仲有明明係將「鞋子請放椅下」,會變「孩子……」,阿珍身為土生土長香港人,冤苑縣……怨婦……嗯,明嘅!

空姐 04

弄巧成拙矯情廣播

既然乘客對機上廣播咁有期望,有空姐更係出盡力做好佢。開始chok聲先,「歡迎各位親愛萬分嘅乘客乘搭xx航空,今日嘅機長係型英帥嘅佛倫天奴, 佢係百分百香港人, 有人話佢側面好似chilam……」嘩!唔知仲以為係介紹香港先生出場。其實咁用心,阿珍認為咁都鬧就唔應該啦,但笑佢,係絕對可以嘅!

空姐 01

最新吃喝玩樂資訊