【自助餐放蛇起底組】七折後$140落樓!! 尖沙咀酒店 綠茶 自助餐

撰文、攝影：新假期自助餐放蛇起底組

2款刺身+3款海鮮 質素麻麻

雖然是綠茶做主題的自助餐，但其他類型的食物亦一應俱全，放蛇當日刺身有2款，分別是三文魚和鯖魚，即叫即切，厚切非常有口感，不過可惜味道麻麻，魚味和鮮味都欠奉。海鮮有花螺、青口和凍蝦，花螺肉質太腍，其中一粒更有沙；而凍蝦則頗新鮮大隻，亦很彈牙，可以狂吃！

另外亦有好迷你的壽司，小編試吃了玉子款，玉子超薄一片，但竟然都吃到少少甜味，反而飯糰很失色，硬到不能入口！

熱盤有綠茶入侵！仲有咩食？

另外有齊多國美食，中湯西式湯各有1款，中式食物有燒賣，印度咖喱雞及脆餅亦有，而熱盤有5-6款，有白酒炒青口和菠蘿焗雞扒，當中更有綠茶款式！就是綠茶芝士燒雞翼，配搭好像有點怪，但是首盤已經被人清光，等到第二輪亦超快被人夾走，只剩下幾隻，小編滿懷期待試吃後，其實只是一隻普通鹹味的雞翼，沒有綠茶味亦沒有芝士拉絲效果，可能大家太喜歡吃雞翼才那麼搶手。

主角甜品登場　勁多款!

來到女士們最期待的! 綠! 茶! 甜! 品! 自取甜品區有8款綠茶的蛋糕、林明頓、泡芙、酥皮卷等，不過未完，行過少少還有綠茶蜜糖桂花糕、Mouuse和布甸，仲有即製綠茶雪花冰和超隱蔽的綠茶心太軟，選擇超豐富！

綠茶豆腐芝士餅質感鬆軟，淡淡綠茶味與豆腐味感覺好清新；另外三件的綠茶味均不太突出，綠茶朱古力慕絲蛋糕則朱古力味搶過了綠茶味；而綠茶沙巴翁泡芙只有面層的糖霜是綠茶味，入面的忌廉是原味，而酥皮卷內的綠茶慕絲不夠多，吃到一半便沒有cream了。

繼續另外4款，法式歌劇蛋糕必食，綠茶味最濃郁，而且有忌廉內有小脆糕，非常有口感；日式紅豆綠茶慕絲蛋糕亦不錯，紅豆蓉非常香甜；另外十勝紅豆綠茶卷的海綿蛋糕和綠茶林明頓則偏硬身，要扣分。

綠茶梳乎厘在最後半小時才會出現，在之前焗田螺薯蓉的同一地方派發，記著要去拿！梳乎厘綠茶味超級濃郁，非常香甜鬆軟，必食！

總結:

Buffet選擇方便好豐富，刺身、海鮮、印式食品、日式拉麵live station和多款甜品等，而今次以綠茶做主題，總共有14款鹹、甜點，好有誠意，值得加分！味道方便則有點失色，刺身、海鮮及拉麵麻麻，熱盤OK，甜品半好半壞。環境坐得舒適，服務有禮，七折後連加一$142/人，對於綠茶甜品控來說，都收貨啦！

總分:6.5/10

Park café

地址:香港九龍尖沙咀漆咸道南61-65號香港百樂酒店4樓(顯示地圖)
電話：2731 2168

$178「綠茶花園」下午茶自助餐供應時間:
星期一至五 3pm-5pm
收費: 星期一至五 成人:$178 小童:$158
用餐時間:2小時
備註:收加一，讚好Facebook專頁另有7折優惠
(星期六、日及公眾假期另有供應)