屈機泰菜@Ellenpedia

旅遊

廣告

好多香港人都鍾意食泰國菜。唔……其實應該話,係好多地球人都好鍾意食泰國菜!我好似真係唔識人係杯葛泰國菜。

亞洲咁多菜式,只有三種菜我係可以non-stop日日咁食,一係粵/香港菜,二係日本菜,三就係泰國菜。(我都覺得韓國菜好食既,但係其實都幾重口味架,試過去韓國旅行日日咁食,最後嗰日頂唔順食返pizza……)

BTW,亞洲仲有個長期被遺忘既,菲!律!賓!菜!香港人聽到應該會一頭霧水,「下?係喎,菲律賓興食乜架?」Well,除左芒果之外呢,佢地同我地一樣,都係食飯,唔單止午餐同晚餐,早餐佢地都可以食飯架!

咁餸呢?老實講,冇刻意調查,但係據我係菲律賓旅行目測,同埋聽返黎既係,佢地好多肉好少菜,然而仲要係炸呀燒呀落勁多多多油炒呀etc.,佢同西餐嗰隻燒炸係唔同,唔知係我唔好彩定係本身佢地興咁樣整,我次次食既都係好似燶左咁,FML!舊肉往往上 到碟前已經炸/燒到黑蚊蚊面目全非,擺落個口度你話我食緊舊炭我都信!所以我發現,好多遊客去到餐廳都只食西餐同泰菜。奇怪既係,同一間餐廳整既西餐/泰菜又好好味,所以我有理由相信,遊客真係唔係點食慣菲律賓菜,尤其係嗰種烹調手法……

咁講返主題,泰菜有咩咁屈機呢?後尾我同返個成日去菲律賓玩既男性朋友講,問佢次次去菲律賓係咪都食西餐,佢話︰「菲律賓啲島世界級,但係講到啲野食真係……邊度夠泰國比呀?泰國啲咩咩咩好好食……(下刪N字)拿,我女朋友係菲律賓人我都係咁講架啦。」

所以你話泰菜係咪好屈機先。

不過菲律賓自己都有啲好味小食,譬如好多人識既Jollibee,真係唔錯架。

 

延伸閱讀:榴蓮乜乜乜姨姨@ELLENPEDIA