黃翠如 翠如
黃翠如 翠如

黃翠如 北歐打工假期!! 7個難忘工作經歷~率先睇!

旅遊

廣告

香港奴隸獸出名工時超長,每周工作 50.1小時,平均比印度外賣仔還要多7個 鐘!若然生在北歐,打工命運就更加截然不同──北歐人每周工作30小時、月薪3萬5港紙;你睇梗呢篇報道時,佢哋已經計劃梗長達一個月的暑假,逃離市中心、搬去海濱度假屋盡攬陽光!係咪覺得投錯胎?為了探索一下北歐 「 風流工 」有幾輕鬆, 黃翠如 早前就「 復出 」 拍旅遊節目,去了芬蘭、瑞典兩星期,體驗愉快「 外勞 」生活!

撰文:Kat | 圖片來源:相關機構

最近榮升上市公司主席千金的翠如 BB,為咗證明自己唔離地,去旅館擔抬抬做女傭。

翠如

原來黃翠如轉去大台後完全未試過主持個人旅遊節目,對上一次已經係6 年前在 NowTV。 (終於唔使拍劇!)

翠如01

罐頭魚棚工廠妹 翠如02

聖誕村打工仔

翠如03

Candy Crush見習生

翠如04

#1 實習精靈 童夢應酬班

「其實我真係信有聖誕老人㗎!」翠如BB天真到一個點,有時只有死忠Fans先可以明瞭:「其實因為細個寫過信畀聖誕老人,然後收到回信,所以咪覺得係真有其人囉!」北歐第一份工作,就係去芬蘭 Santa Claus Village受聘成為「初級見習精靈」,負責人潮管理,將進場談夢想的兒童分流,淡季上工,workload 尚算輕鬆!「啲同事好入戲囉!話精靈培訓工時特別長,要儲多二百幾年工作經驗先可以升職做正式助理!」

翠如05

5月天時,近身觀察無休假的聖誕老人,其實都係一個要懂多國語言的行家(藝人之嘛 ! ),天真翠如忽然覺得夢想幻滅。

翠如06

最大挑戰係文書工作,負責把來自全球各地的來信分門別類, 等聖誕老人逐一回覆,睇到眼矇!

翠如08

好似啲公司 reception,其中一個工作係引領 Fans 向聖誕老人講夢想,但係精靈就要迴避唔准偷聽。

翠如07

平時遊客來到 Lapland都係到此一遊,今次翠如打工期間睇見無數遊客出出入入,真正感受到聖誕老人的號召力。

#2 馴鹿放牧 育嬰靠閃避

冬季去芬蘭,多數遊客都會被安排體驗馴鹿拉車,有遊客試過覺得「雪地拖行都幾殘忍 」,其實每年夏季都係拉車馴鹿的annual leave ,不用開工,可以自由放牧、拍拖、生BB。不過更殘忍的現實係,好多大型馴鹿場飼養的都係「食用鹿」,「如果照顧完馴鹿B跟住畫面係食佢親戚,會好慘!」所以拍攝團隊選了一個小型鹿場去打工,主要照顧觀光拉車用的馴鹿。

翠如10

「馴鹿都靠夏天生長的植物做主糧,整個夏天食得肥肥胖胖,迎面而來噸位十足,都好有壓迫感!」

翠如13

路上偶遇大草原上放牧馴鹿, 誰都會心花怒放跑去追鹿,點知去到牧場情景對調……

翠如11

翠如的工作是餵飼馴鹿,照顧剛出世的鹿 B,一入職就被數十隻馴鹿圍著,嚇到企唔穩!

翠如35

#3 樹屋打雜 好睇唔好住

Working Holiday最入門級工種,當然就係旅館打工,低技術、易搵食,仲可以賺埋住宿!瑞典夏天無冰酒店,但就有長年開放的百年樹齡森林樹屋:「Harads係只有 6 個房的酒店,好多旅遊節目同雜誌都有介紹,拍出嚟好靚,但真正幫手執房就完全係另一回事!」爬梯孭床單好小兒科,原來仲要執屎!幸好樹屋上面設有高科技環保廁所,大便清理前已是經過焚化,好「乾爽」仲可以欣賞到唔同形狀!

翠如15

旅館夫人 Lindvall 太太表示下年在湖畔還有新搞作,有興趣可以去 www.treehotel.se 睇睇有冇新工應徵!

翠如20

房客可放低行李土篋在大堂,換個背囊上樹投宿,翠如就要孭住數十磅的床單毛巾爬梯,無得偷懶……
翠如16

圓形的飛碟樹屋,空間狹窄,仲有啲焗!

翠如19

雖然設計獨特,有 UFO 又有玻璃房,但打掃絕對唔輕鬆。

翠如17

旅館主人表示酒店共有 6個職員,負責除草、劈柴以及維護樹屋。

#4 絕頂臭魚 國寶級腥氣

其實北歐都有「 厭惡性工作 」,製作傳統臭魚罐頭就係保證識唔到女仔的暑期工!瑞典罐頭魚 Surstromming 堪稱「 史上最臭食物 」,官方指引是「絕對不能在室內打開」!翠如走到年產20萬罐「臭魚」做工廠妹,由攞魚、斬魚頭、掏內臟到將魚發酵,都一手一腳完成,原來這個工廠也有30年歷史,最後更獲老闆送贈「 臭魚 」一箱!鯡魚罐頭每年 春季捕魚,初夏入罐;8月底有隆重的「開罐儀式 」,每罐都好似「 超濃縮城門河污水 」,食入口又係咩感覺呢?監製表示「 口感細嫩 」其實 OK,翠如被幕後員工安排試食一罐過期「 臭中臭魚 」,結果係難以形容的「臭到辣 」、「脷麻痺 」!

如此極品,慳家的翠如都專程買了兩罐回港, 一罐留在家,另一罐打算跟朋友分享⋯⋯

翠如26

即使在戶外開罐,臭味也能傳到方圓600米外,有如生化武器!

翠如21

正宗食法係拌著薯仔、洋葱夾麵包, 抵消鯡魚「 臭到喇損喉嚨 」的濃烈口感。

翠如22

在罐頭工場打工的後生仔向翠如表示「好尊重這傳統食物」,不過代價係「這個打工的夏天,注定識唔到女仔了」!

翠如24

工場內有魚腥、血水混雜發酵的各式臭味,不過未醃足一年,其實只算是初級臭!

翠如25

「若然不小心被臭魚的汁濺到衣服,件衫幾乎注定要報銷!」

#5 科技公司 福利多過乜

其實邊個會恨去北歐做擔擔抬抬工作?最令人羨慕當然係 IT 公司,總部在瑞典 的Candy Crush 辦公室就係典型遊樂場格局,「 實習生同我講,最欣賞的員工福利係任食自助早餐,真係豐富過酒店呀!」一般 Game Room、Open Office已經嚇唔到人,最令黃翠如震撼的,係一個可以模擬四季 天氣調節燈光和地板質感的Show Room,「 冬天地板行上去真係有冰裂聲 」!

翠如27

返咗半日工,有同事喺彈床房開會、有人全日淨係匿埋對住部 PS4尋求創作靈感,無人去催迫工作進度,簡直係天堂!

翠如28

Candy Crush 早已賣盤畀美國,幾個老細每人分到十幾億,拍攝時更偶遇其中一位踱步過鏡合照!

翠如29

#6 北歐肉丸 打工一腳踢

瑞典美食之一,應該非肉丸莫屬!翠如被派去一家當地馳名的肉丸餐廳,幫 忙由助廚做到侍應,打工之餘原本也打算偷師,發現傳統瑞典肉丸製作原來有好多不同口味及款式!「 整個打工過程,最困難係替客人落單同收錢,本來以為應付到肉丸款式就可以,點知中伏位係啤酒名,N 咁多款完全唔識分!」 翠如31

原本預定「做媒」 的食客演員不知去向,最後來了一批真實客人,難得大家又唔嫌棄呢位香港阿姐嘅口音,耐心排隊落 Order!

翠如30

唔似香港 IKEA 得一款肉丸,小店餐牌足足有十幾款肉丸揀,全部名都超級難記!

#7 學前教育 文盲管理員

最近電視節目全部都好關注「 起跑線 」今次行程亦有一個相關任務,就係去芬蘭一間兒童圖書館做管理員,「 雖然北歐文字都唔識多隻,但都 可以憑圖書編排加上場地設計掌握書本種類!」不 過最後發現,到場的小朋友全部都係學前BB 仔,文化工作間變成託兒格鬥!

翠如33

雖然IT科技係世界級,但其實北歐兒童仍然鍾情閱讀,唔係篤芒一族。

翠如32

ViuTV 派「心悠 BB 」迎戰!

同樣以「 實況旅遊 」做主題,ViuTV 今個星期開始就播出真人騷《 Barter Game 》迎戰;主持包括劉心悠、Eric Kwok 及 任賢齊等6位嘉賓,分三組遊古巴、茶馬古道及婆羅洲,用以物易物方式展開旅程,合縱連橫同大台搶收視!

日期:7月4日起(逢周一二)晚上10時至11時

翠如34

《 打工唔捱世界 》

日期:7 月 11 日至15日晚上10時30分

頻道:翡翠台 / 高清翡翠台