航空公司「 經典廣告 」大回顧@杜遊珍
航空公司「 經典廣告 」大回顧@杜遊珍

航空公司「 經典廣告 」大回顧@杜遊珍

早前大台黃金時段無啦啦播返麥記陳年魚柳包廣告,引起網民熱烈回顧,阿珍縱橫旅遊界多年,立即喚醒一大堆咸豐年代航空公司廣告畫面……嗱,近年航空公司電視廣告買少見少,最多都係show 空姐有幾咁殷勤,但回帶80、90年代 經典廣告 ,就有唔少破格TVC,最經典一個必定係英航唔用CG以航拍「阿里郎萬人操」一樣的人臉變地球廣告橋段(配埋「鬼鏈」音樂真係記憶猶新呀!)
撰文: 杜遊珍 | 相片 : 互聯網

本地代表方面,國泰90年代嘅 廣告 都相當破格,唔止又CG 又爆破,最勁係句娘爆tag line「國泰經濟客位,滿足你愛幻想的心」。嘩!望住邊個愛幻想先,靚靚空姐嗎?FF 始祖,真經典!

經典廣告 1:國泰史高西斯

呢個1995年嘅國泰廣告風格拍得住馬田史高西斯,先喺竹林中打鬥、再接星戰及瑪麗蓮夢露經典電影場口,原來係賣經濟客位有屏幕仔可以睇戲,唔怪得之「滿足你愛幻想的心」啦!

經典廣告 航空公司 國泰 01\ 經典廣告 航空公司 國泰 02

\經典廣告 航空公司 國泰 03

經典廣告 航空公司 國泰 04

 

經典廣告 2:英航鬼鏈人臉

至高境界要數1989年英航廣告,千人上陣於城市、沙漠拼出五官圖案,意指將世界各地連在一起,阿珍就話極有後現代你識條
鐵咩派系風格,一生難忘。

經典廣告 航空公司 國泰 05

經典廣告 航空公司 國泰 06

經典廣告 航空公司 國泰 07

經典廣告 航空公司 國泰 08

即刻回顧,去片!

 

經典廣告 3:聯合快過電報

呢個1987年石修叔叔做嘅聯合航空廣告,話佢一抵埗就收到老婆由香港傳畀航空公司媽咪嘅sweet sweet電報, 係電報,what’s that?!

經典廣告 航空公司 國泰 09

經典廣告 航空公司 國泰 10

經典廣告 航空公司 國泰 11

經典廣告 航空公司 國泰 12

最新吃喝玩樂資訊