搵食搵到上半空！@新活時報Miss Sunny
(Presented by Sky Dining 101)
香港人為咗食，可以去到幾盡？無錯，就係上天下海都在所不辭！今次同大家介紹返個「離地」新食點，就係喺全港最高嘅環球貿易廣場101樓嘅Sky Dining 101~一上到去，就有一種居高臨下嘅感覺，喺咁高望維多利亞港真係好靚呀~ 不過唔好掛住睇風景而唔記得食飯呀！Sky Dining 101全層總共有4間餐廳，4間都一樣咁高質㗎~
天空龍吟
如果你係日本通，你一定有聽過龍吟~ 天空龍吟就係佢哋第一間海外分店，開咗幾個月就拎咗米芝蓮2星，仲獲選亞洲50最佳餐廳添！而家就嚟夏天，天空龍吟就特登出咗啱夏天食嘅頂級懷石料理，見到已經好開胃！
「北海道毛蟹」係大廚嘅創意之作，碟上每個元素好似蟹肉、甜番茄同柑橘啫喱嘅味道都好唔同，但估唔到鮮、甜、酸加埋一齊又好夾喎！
訂座電話：2302 0222
田舍家
講到食，日本人真係好有智慧！田舍家深信「不時不食」呢個道理，所以佢哋嘅懷石料理全部都係用最時令嘅食材整成㗎~ 而家去就可以食到以夏日作主題嘅懷石料理，由前菜、主食到甜品有成10樣嘢咁多，勁豐富呀！
龍蝦鮮甜又爽口，真係啱晒熱辣辣嘅夏天呀~懷石料理其中一味「鐵板燒原殼龍蝦」，鮮味十足，食多多都唔覺膩！
春風一夜情：野生筍殼魚個名真係好過癮呀！野生筍殼魚係特登喺沙巴自設漁船捉返嚟，先用藥材同香料醃足一晚，再風乾同煎香，工序勁繁複，呢啲功夫菜而家真係好難搵㗎！
訂座電話：2568 9886
波士廳•101
唔想做死一世打工仔？去波士廳食飯，你都可以做老闆…… 一晚咁多哈哈！波士廳出名顧客至上，服務好到不得了，仲連續兩年拎到「米芝蓮星級食肆」，好多明星都係熟客仔嚟添~
招牌菜砂鍋乾迫海斑由大廚獨家創作，鍋底鋪滿蒜子，一開蓋陣香味真係無得輸！海斑再淋上秘製醬汁，仲鮮味過原汁原味嘅蒸魚！
訂座電話：3955 1755
後記：
難得上到101樓食飯咁大陣仗，大家記住相機跟身呀！因為除咗有無敵大海景可以瘋狂影相之外，啲菜式賣相都好靚好值得影完放上facebook呃like㗎！
ICC環球貿易廣場
地址：九龍柯士甸道西1號環球貿易廣場(ICC)101樓
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
