味覺暢遊海南島!@Dining娜

text: Dining娜 photo: Dick

(Presented by 海南四季)

呢排日日藍天白雲,咁鬼好天氣,忍唔住諗番起舊年去海南島旅行嘅梳乎時光,好掛住嗰度啲鮮甜椰青同地道嘢食,我(又)超想出走喇!唉,咁當然Dining娜都係同香港所有打工仔一樣,一年只係得嗰十幾日annual leave,就算海南島幾近都好,都好難成日飛囉!

9X7A0025_resize

啱啱知道最近銅鑼灣皇室堡新開咗間「海南四季」,就完全滿足我呢期嘅度假癮!餐廳佔地成20,000呎,裡面仲有10間唔同風格嘅VIP房。一入門口就會見到一大堆海南icon椰子,令人率先感受到濃濃嘅海南夏日氣氛,而且啲椰子唔係齋做佈置裝飾喎,係要嚟煮呢度招牌菜㗎!餐廳打正旗號主打海南島美食,招牌菜就係當地好hit嘅椰子雞鍋、正宗海南文昌雞,一路食一路睇遠處海景,咪當呃吓自己喺海南島度緊假,仲可以歎住冷氣無咁熱添,嘻嘻!

招牌文昌雞
招牌文昌雞

雞有雞味 走地文昌雞

講起呢度用嘅正宗海南文昌雞,嚟自海南自家農場嘅文昌雞,係食椰子肉有機飼料大,特點係由細喺山坡等地放養大約百幾日再圈養,真係好落本㗎!文昌雞係以白切為主,最緊要其實都係食隻雞嘅原味,入口雞皮黃又脆,肉質結實又彈牙,真心讚!好耐無食過隻雞咁有雞味㗎!

招牌鮮椰青雞鍋
招牌鮮椰青雞鍋

椰子雞鍋 清香滋潤邊爐

而家仲食麻辣火鍋?我呢啲貪靚OL又會驚食得多麻辣會爆瘡!好在近年流行以椰子嘅幽香清甜取勝嘅椰子雞鍋,試過呢度嘅招牌椰子雞鍋係用咗純天然海南椰汁、椰青水同椰子肉煮成,湯底清澈講究,味道分外清香鮮甜,感覺好鬼滋潤!加上用埋推介嘅海南文昌雞,滾出鮮甜,雞味仲會再出啲添!

各式午市即叫即製點心
各式午市即叫即製點心

後記:新開張 請食雞

聽老闆講,為慶祝餐廳新開張,海南四季仲會推出一籮籮著數優惠!

晚市每2至5位請你食半隻文昌雞,6至10位就直情送夠1隻畀你哋歎!下晝lunch時間嚟飲茶,每人即送1粒蝦餃同埋1碗是日糖水!咁鬼抵,唔好話我Dining娜唔提你!呢度火鍋、小菜、煲仔飯、刺身、串燒都有得食,下晝仲有即叫即製點心!約齊一班朋友嚟食晚飯,除開每人都係平均200幾蚊度啫,咁正環境,嘢食又好味,抵晒!

海南四季

地址:銅鑼灣告士打道311號皇室堡14樓(港鐵銅鑼灣站E出口)(顯示地址

電話:3523 1368

備註:設加一,收現金及信用咭。

最新吃喝玩樂資訊