將軍澳好去處!3大暑假必歎景點 @ Travel佳
將軍澳好去處!3大暑假必歎景點 @ Travel佳

將軍澳好去處!3大暑假必歎景點 @ Travel佳

(Presented by TKO Plaza)

夏日炎炎正好到處闖、到處歎!暑假流流長,除咗plan下去邊度旅行散心,都可以喺香港瓹窿瓹罅,過一個悠閒周末。好多人都覺得將軍澳係一個冇咩景點嘅地方,今次就同大家一齊去發掘下呢個城市中嘅世外桃源。

1. 行山歎景新感受—釣魚翁行山徑

如果鍾意同成班朋友行山睇風景,釣魚翁行山徑都係一個唔錯嘅選擇。郊遊徑由清水灣道五塊田開始,經過上洋山、下洋山、廟仔墩、釣魚翁山、田下山,至大廟坳。全長約6.6公里,全程需時約3個鐘。

由山腰至山頂嘅景色更加一絕,不過山路比較崎嶇,建議搵個有經驗嘅朋友一齊同行。

只要企喺山上,你先會明白咩叫「海闊天空」。(圖片來源:網絡)
只要企喺山上,你先會明白咩叫「海闊天空」。(圖片來源:網絡)
提提大家,呢條路徑平日同時用作越野單車徑,所以行山嗰陣記得注意有冇單車喇~(圖片來源:網絡)

係咪心郁郁想去?喺將軍澳出發可以去港鐵寶琳站搭小巴16或港鐵將軍澳站坐巴士103M,於五塊田落車,記得帶夠充足嘅水同行山裝備,小心中暑呀~

2. 草園文青歎自由—將軍澳單車館公園

一向不羈放縱愛自由嘅你可以嚟到城市中另一片樂土-將軍澳單車館公園,除咗有唔可以踩單車嘅單車館、人工湖、極限運動場及運動攀登牆,仲有文青大愛嘅大草地!無論情侶或一大班朋友,都可以嚟呢度彈住結他野個餐,邊個話文青一定要去中環海濱?

大家可以順道入去單車館參觀一下,唔知會唔會撞到李慧思呢?(圖片來源:網絡)
瞓喺大大嘅草地上,你可能好想唱番首歌︰「原諒我這一生不羈放縱愛自由,也會怕有一天會跌倒……」(圖片來源:網絡)

3. 消閒歎茶購物樂—將軍澳廣場

如果睇完上面兩個景點,覺得又熱又曬又多蚊,將軍澳廣場或者會適合你。忘記平日工作嘅繁忙,兩口子手拖手休閒逛逛街,場內雲集各類商店,衫、褲、鞋、化妝品等應有盡有,享受shopping樂趣同時你亦可以喺呢度感受到真正嘅慢活節奏。

呢排仲有限定BIKEAHOLIC Pop-up Store,多款單車及單車裝備都可以去呢度買到,話唔定會搵到你心目中嘅「寶馬」!

限定BIKEAHOLIC Pop-up Store
日期︰由即日起至8月3日
地點︰將軍澳廣場1樓B區

順道行埋Columbia Pop-up Store,睇下有咩戶外服飾啱心水先~

限定Columbia Pop-up Store
日期︰由即日起至8月3日
地點︰將軍澳廣場1樓A區

今個weekend仲未諗到有咩著落?一齊嚟將軍澳歎個寫意嘅假期啦!

 

最新吃喝玩樂資訊