海洋贊禮號 上船直擊!離地玩土豪郵輪
海洋贊禮號 上船直擊!離地玩土豪郵輪

海洋贊禮號 上船直擊!離地玩土豪郵輪

上星期五停泊啟德郵輪碼頭的 海洋贊禮號 (Ovation of the Seas),是皇家加勒比國際遊輪進軍強國的代表作,現時以天津為母港,10月底仲會正式進駐香港1個月,成為碼頭開幕以來接待過的最大郵輪!記者今次攔途截船參觀,趁佢要返回大陸懷抱前,先上船試玩高空吊臂同甲板跳傘,率先感受呢隻船有幾離地!

海洋贊禮號 必玩

海洋贊禮號
海洋贊禮號 停岸時,North Star不能左右移動,但仍可把乘客吊上93米高空俯瞰維港靚景。

堅離地! 高空吊臂North Star

位於15樓的North Star,是量子系列標記之一。這隻海上吊臂會帶遊客慢慢升上92米高空,透過360度無死角落地玻璃欣賞無敵大海景。記者試玩時發現比維港摩天輪仲要高,而且十分穩定,即使14個人在玻璃艙內走來走去都不覺搖晃。加上泊在碼頭時,仲睇到鯉魚門同魔鬼山,好靚啊!

10分鐘的升空旅程只能載 14位乘客,記得把握黃昏時間拉情人來睇日落。
10分鐘的升空旅程只能載14位乘客,記得把握黃昏時間拉情人來睇日落。

6268

吹上天iFLY

記者全日最期待,就是試玩模擬跳傘機iFLY,雖然新加坡都有,但成600蚊玩一次,仲要設於室內,飛起都無景睇!難得船上乘客可對住大海免費任飛,必玩!試玩時教練先捉實,叫我伸直四肢兼抬高頭,一放手我隨即浮在半空,So Amazing!當我以為自己好型時,睇相先發現被強風吹至臉容扭曲,極度懷疑整容者不能玩囉!

6609
記者嘗試控制飛行方向卻不成功,幸好旁邊有教練扶實,否則一定撞牆呢!
想控制飛行方向,記得放鬆身體同屈曲小腿,只要把腳稍微向上曲,即可向上升! 星級排舞師⊕麥秋成
想控制飛行方向,記得放鬆身體同屈曲小腿,只要把腳稍微向上曲,即可向上升!
星級排舞師:麥秋成

賣萌熊貓Mama and Baby

要打入中國市場,當然要找來國寶級人士坐鎮,講的非「武則天」范冰冰(雖然佢係呢隻船的教母),而是爬在15樓甲板上的熊貓媽媽與寶寶(Mama andBaby)。2座雕塑分別高10米同3米,體重達6.5噸,比真熊貓大上一倍,是英國藝術家Jo Smith 為郵輪特別創作。只見慈母熊貓想伸手觸摸熊貓仔,超可愛!

6007
量子系列郵輪向來有動物雕塑作吉祥物,今次贊禮號用上熊貓,代表平安與幸福!

10、11月香港上落船套票推介

$7,150起 8晚日本、韓國之旅
行程: 香港 → 海上暢遊 → 日本高知 →宮崎 → 釜山 → 海上暢遊 → 香港
出發日期:11月5日
住宿:8晚海洋贊禮號內艙房
雜費:$2,688(港口費、稅)

升級:入住海景房$7,700起
查詢:康泰旅行社 2923 7077
$7,958起 5晚沖繩、廈門之旅
行程: 香港 → 海上暢遊 → 日本沖繩 →海上暢遊 → 廈門 → 香港
出發日期:10月29日
住宿:5晚海洋贊禮號內艙房
雜費:$1,888(港口費、稅)
升級:入住海景房$8,308起
查詢:皇家加勒比國際遊輪 3189 3200

最新吃喝玩樂資訊