夏日透心涼甜品! 7大 雪糕雞蛋仔 大比拼!

撰文：Why｜攝影：Man、Meck

冷熱交融！7大 雪糕雞蛋仔 大比拼！

1. 不愧原祖－Oddies（15分 Win！）

主理人畢業於法國藍帶廚藝學校， 回港後在灣仔開設首店，並首創雞蛋仔加雪糕的配搭，打出名堂，引起熱潮， 遠至美國都有人仿傚。店內雖然只提供朱古力味Night Wolf 和抹茶味The MOB 兩款揀，但可見由配料、雪糕到雞蛋仔的餡料都是精心配搭過，絕非行貨。

雞蛋仔：4.5/5

「秒速」上菜，看來非即做，幸外皮尚且微暖，且脆度十足。内餡蛋味較輕，但勝在釀了黑朱古力brownie碎，味道濃郁，加分不少。

雪糕：4.5/5

雲呢嗱配朱古力的軟雪糕，質地奶滑，奶香不會太膩，朱古力味道突出，與雞蛋仔内餡互有聯繫，可可味重，帶微甘，不死甜。

配料：5/5

酸咪咪的紅桑子gelato，加上脆片與熱情果panna cotta，食落果味清新活潑，放在雪糕底下，正好平衡上層甜膩，令人吃完整個都不會飽滯，做法聰明。

價錢：1/5

Night Wolf $60

Oddies

地址：中環歌賦街45號地舖（顯示地圖）
營業時間：星期二至日1pm-10pm

2. 四平八穩－Eat with me（14分）

雞蛋仔專門店，口味眾多。這裡的雞蛋仔可以當正餐，配肉醬、配咖喱，不得不佩服店家創意十足。其雞蛋仔雪糕，以造型花巧見稱，可配上麻雀形糖餅、大大粒烤棉花糖等等。

雞蛋仔：4.5/5

朱古力味，做得不錯，啡色外層脆口，帶淡淡可可香，裡面則呈鮮黃色，肌理細密，濕潤鬆軟，蛋香夠出，上佳。

雪糕：4/5

味道濃厚，帶點可可甘味，不是一味死甜，中心還有點朱古力醬，使之層次更加豐富，不過偶有幾口，有冰沙食感，似是做得不夠均勻。

配料：3.5/5

有輕輕烤過的棉花糖放在雪糕上面，棉花糖雖然煙韌甜美，但配上大量的忌廉與可可醬，再拌雞蛋仔吃，太膩太滯了吧？

價錢：2/5

S’More $48

Eate with me

地址：荃灣四陂坊12號雅緻樓地下D舖（顯示地圖）
營業時間： 12nn-10pm

3. 名牌加持－Feast（13.5分）

太古城東隅酒店餐廳Feast 的Pop up store 出品，預計做到本月底（6月30日）。口味有抹茶、朱古力及士多啤梨， 其中朱古力味與朱古力品牌Venchi 合作，由雪糕球到配料中的朱古力粒粒都是品牌出品，質素有保證。

雞蛋仔：2.5/5

蛋漿混了朱古力粉，帶可可甘味，甜度略嫌太輕。口感比較特別，似雞蛋仔形狀的英式muffin，質地綿密濕潤，但外層脆度欠奉。

雪糕：4.5/5

名店Venchi的石板街雪糕，可可味極濃，餘韻悠長，質地紮實順滑，再夾雜果仁粒，上佳之作。惟份量太少，得半球左右，與雞蛋仔份量不對等。

配料：4.5/5

種類豐富，同樣以朱古力作主調，包括蛋卷、脆珠、mousse等都帶濃厚可可味，再配上煙韌棉花糖，口感吃來富層次，有脆有軟，驚喜不斷。

價錢：2/5

The Venchi $45

Feast

地址：太古城中心一樓（ZARA旁邊）（顯示地圖）
營業時間：10am-9pm

4. 抵食好味－舅父哥（13分）

港式小食店格局，除了賣魚蛋、燒賣等港式小食，雞蛋仔雪糕亦是主打，雞蛋仔貨真價實，即叫即烘，雪糕亦有多款選擇。

雞蛋仔：3/5

即叫即造，熱度十足，朱古力雞蛋仔，蛋味與可可味尚算平衡，糕身綿密足料，惟外層欠酥脆，裡面則略嫌太粉。

雪糕：4/5

雖然雪糕非自製，但選擇多樣，亦夠大球，試了店主推廌的豆腐味，吃落質地奶滑濃厚，豆腐香氣自然，清甜不膩。

配料：3/5

有濃濃朱古力醬，再加糖霜、朱古力珠珠和彩虹碎，賣相吸引，看得出心機，入口尚算能夠增加層次。

價錢：3/5

雪糕雞蛋仔 $33

舅父哥

地址：元朗鳳攸東街9號好順意大廈15號舖（顯示地圖）
營業時間：星期一至日：7am-10:30pm

5. 港味太濃－BB雞蛋仔（13分）

小店格局，標榜不加蛋精、椰精和雲呢嗱油，真材實料的傳統港式雞蛋仔，加上街坊價，一到放學放工時間，不乏捧場客。

雞蛋仔：5/5

傳統原味，勝在踏實，烤得外脆内軟，帶微微焦香，蛋心更帶一點濕潤，切開來看則綿密飽滿如海綿，可見非常足料。

雪糕：2/5

雪糕有兩球，選了朱古力和曲奇雲呢嗱，食落味道過甜，幾口之後，甜得連吃雞蛋仔都吃之無味，層次亦欠細膩，似牛奶公司貨色。

配料：1/5

非常簡單，只加朱古力醬，並無其他選擇，但醬汁稀身味淡，似將貨就價。

價錢：5/5

雪糕雞蛋仔 $18

BB雞蛋仔

地址：柴灣柴灣道350號樂軒臺地下413號舖（柴灣站c出口）（顯示地圖）
營業時間︰星期二至日 12nn-9pm

6. 虛有其表－摩芽雞蛋仔（10分）

雞蛋仔：3.5/5

朱古力雞蛋仔烘得不錯，外皮脆身，裡面綿軟，不過餡料加的蜜糖星星，基本給可可味搶了風頭，且脆度全失，令人失望。

雪糕：2.5/5

雙球雪糕，但份量僅有兩個半球左右。味道一般，無論朱古力和雲呢嗱都是太甜太奶，香草與可可層次單薄，似用香精製作。

配料：2/5

搭配朱古力醬和大量彩虹碎，味道簡單，沒有亮點

價錢：2/5

雪糕雞蛋仔 $35

摩芽雞蛋仔

地址：九龍太子汝州街17B舖（顯示地圖）
營業時間： 12nn-11pm

7. 冰沙雪糕－Ice Puff（10分）

主打優質食材，好似麵粉用日本，砂糖用韓國，朱古力用比利時，雪糕和雞蛋仔亦有多款口味選擇，但雪糕雞蛋仔並無其他佐料，有欠心思。

雞蛋仔：5/5

新鮮熱辣，有8款口味選擇，揀比利時70%黑朱， 食落內餡細密飽滿，蛋香與可可香到位，加上黑朱古力烘至融化， 有流心效果。

雪糕：3.5/5

7款選擇，選雲呢嗱brownie gelato，奶味濃厚，但brownie粒粒相當細碎，口感欠奉，加上質地偏削，食落似冰沙，有欠細滑。

配料：N/A

無配料，未能畀分。

價錢：1.5/5

雪糕雞蛋仔 $55

Ice Puff

地址：天后電氣道 78 號地下（顯示地圖）
營業時間：1pm-12mn