陽光cafe@為何斯德哥爾摩沒有譚仔三哥
廣告
當你夏天嚟瑞典旅行，如果你想有好日子過，有個字最好唔好提起，因為人人聽到都會好驚。
果個字唔係粗口，唔係佛地魔，而係冬天。
冬天！
個個瑞典人聽到冬天都會即頹。
頹在唔係有幾凍，而係冬天無至境嘅黑暗。
瑞典嘅冬天日短夜長，喺Stockholm平均三點太陽就落山，朝早八點先再出番嚟。
就算「日頭」果陣，個天都是灰灰暗暗，想喊想喊咁。
想像下日日都寒風刺骨再加埋天狗食日咁有幾恐佈，我諗起都打冷震呀。
上個禮拜程至美帶咗我去間cafe，室內有假花假草假流水聲假雀仔叫之飾，仲有假陽光！
入面個個除曬大褸，合埋眼咁享受陽光。雖然真係好relax，食物亦唔錯，但成個情境加埋令人好心酸。
身為一個土生土長嘅港女，未搬黎瑞典之前，我發夢都冇諗過原來陽光可以是咁奢侈的。
