【抵到爛!!】$88 串燒併盤 ‧16件真係掂 ! @大仁生活
【抵到爛!!】$88 串燒併盤 ‧16件真係掂 ! @大仁生活

【抵到爛!!】$88 串燒併盤 ‧16件真係掂 ! @大仁生活

記得3個月前, 發現了「$88 任添任食‧嫩雞煲」, 上星期添哥Whatsapp我:「我哋新出咗個$88 串燒併盤 , 你嚟唔嚟試下?」

串燒併盤

我:「嘩!正喎…$88任食串燒」, 添哥解釋:「蝕死我咩! 點會任食呀…$88蚊併盤, 16件, 但係都好飽呀!」

雖然16件燒物不能揀選, 但除開也只是$5.5一份, 真的又想再大叫「黐線」

雞全翼x2, 金菇肥牛, 煙肉腸仔, 蠔x2, 雞皮x2, 雞肉x2, 雞軟骨x2, 牛柳粒, 蝦, 多春魚x2

SY:「爸爸! 我想食雞中翼, 可唔可以叫? (我哋有雞全翼喎), 都唔係我平時食咁樣」(阿囝真係好奄尖, 結果要我撕開三節畀佢先食到JetJet聲)


雞翼燒得入味, 又夠汁, 因為這裡雞是皇牌, 不過, 想不到牛柳粒更吸引…

SY:「嗰牛…好軟呀! (奄尖大少都會讚?? 佢不嬲嫌牛, 豬韌又難咬), 爸爸你試下先啦…真係好軟」, 絶對喜出望外的腍, 又有肉味, 好食…可惜得一串粒.

店員康哥話:「你試下隻燒蠔啦…我最鍾意食」, 我:「係好食, 如果少D蒜會更好…$5.5一隻蠔, 雖然不算肥, 但無得輸啦」

全場比較遜色的就是燒蝦…阿太:「點解咁瘦? 梅梅地」…我向添哥反影, 他答應:「我會換過另一個供應商, 放心」(講得出要做得到喎!)

我們額外點了一碟燒茄子 ($20)…算是合理價錢, 但就燒得出神入化, 阿太:「好食, 惹味, 有咬口喎, 仲成隻手臂咁長, 廿蚊都抵, 又唔會燒得過籠, 全晚最好食」

臨走前, 添哥說:「15號起, 我哋$88雞煲, 會加埋三十幾款打邊爐配料, 都畀你哋任食, 都係無限時架…」

(吓? 今日有未呀?), 添哥說:「未呀! 你下星期再嚟食過米得囉」, 之前雞煲已經抵, 之後連火鍋配料都任叫,
平通全港九, 你贏晒啦!!


林洪記
地址:長沙灣保安道325號保安道街市3樓CFS4號檔
時間:星期一至日: 18:00-03:00
電話:5171 0142

大仁生活facebook

最新吃喝玩樂資訊