Mango X'press
Mango X'press

Mango X’press 新款4大豆腐花大比併@大仁生活

飲食

廣告

飯後食飽飽…SY:「今晚可唔可以食甜品呀?」剛剛考完試的小朋友, 應該要獎勵, 獎勵… Mango X’press 一口氣新推4款豆腐花, 自己打自己喎, 就來一舖單大比併啦!!

Mango X’press4款豆腐花

我問店員:「堂食得唔得架? 」(E度真係好鬼窄), 店員:「我哋主要外賣, 不過, 你唔介意可以企係度食嘅」(係囉…我點會介意吖)

抹茶紅豆豆腐花($15), 淡淡的綠茶味, 盡量要嗒清楚也有點點回甘感. 不愛紅豆的仁, 早知走紅豆啦.

對於沒有甜味的綠茶, 嗜甜的SY即時說:「我加黃糖啦!!」(等我試完一啖先加, 得唔得??)

珍珠奶茶豆腐花($15), 奶茶味較綠茶更清, 不過甜甜的珍珠就盡得小朋友愛戴.

SY:「珍珠真係好食… 煙煙韌韌, 又甜, 我好鍾意食E碗D珍珠」(其實, 幾十年嚟…珍珠實係咁嘅質感架, 小朋友)

愛文芒豆腐花($18), 其實,即是原味($12)+芒果, 早知我就不要原味, 只點三碗啦!!


愛文芒好夠甜, 加上豆腐花面層更添上芒果醬汁,這碗已變成非豆腐花, 而是一碗甜品…

前日, 有朋友問我:「唔知愛文芒果甜, 還是阿芳素好食呢? 你做唔做大比併呀? 」(咁應唔應該加埋呂宋芒呢?)

黃糖怪SY推介「珍珠奶茶豆腐花」,而我覺得, 抹茶豆腐花走紅豆, 加配芒果, 一定是最好食.


店員:「熱豆腐花, 要每晚7點後先會供應, 7點前只有凍嘅款式…」, 阿太不太好豆腐花, 結果我和囝平分了4碗.真的食到即時見肚…我:「嘩!阿囝, 你個肚凸晒出嚟..咁得意嘅!! (囝: 爸爸, 你都係啦)」(我個肚跟咗我幾十年啦)

Mango X’press
地址:尖沙咀加拿芬道45-47號地下D1號舖(顯示地圖

大仁生活facebook

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..