窮是原罪!!! 旅行現金不足唔畀 入境 ?! @杜遊珍
窮是原罪!!! 旅行現金不足唔畀 入境 ?! @杜遊珍

窮是原罪!!! 旅行現金不足唔畀 入境 ?! @杜遊珍

窮其實真係罪。最近有單新聞係話一班強國旅客於泰國關口準備 入境 ,其中一個團友身上無足夠現金,結果連累全團被拒 入境 ,要打道回府。我班姐妹聽罷立即大驚,堂堂旅遊之國「揀客」?唔畀窮遊咩?阿珍打滾多年當然知道泰國有此法例,但只適用於簽證旅客,即係免visa嘅香港人就唔使理啦!不過,不少地方都要求旅客帶有一定現金,好多窮遊個案更因而中伏,我們一齊看看有幾慘慘豬啦!

撰文:杜遊珍 | 圖片:互聯網、新傳媒資料室

 

入境 被拒3大案例

無錢 入境 原罪 04

1. 免簽證避過一劫@ 泰國

當地法例規定每名簽證旅客 入境 時需帶有2萬蚊泰銖相等幣值現金,即大約4千多港紙,信用卡不計在內,關員可隨機抽查!

無錢 入境 原罪 06

阿珍點評:

當地移民官有權力遣返任何人,以至一團人,好在持特區護照或BNO人士無須辦簽證,亦不受此條例影響,I love Hong Kong!

2. 被屈黑工團@ 澳洲

Working Holiday勝地澳洲是否就對窮旅人友善?幾年前一個本地旅行團準備 入境 澳洲,當中5個單身女團友被拘留10多小時,當中有「受害者」帶了1萬港紙現金,關員審犯咁話「帶咁少錢買到啲乜?」,最後懷疑她們是黑工,從此列入黑名單,即時送上飛機遣返,旅行社都無得賠!

無錢 入境 原罪 02

阿珍點評:

澳洲沒有明文規定 入境 現金下限,阿珍覺得團費萬幾蚊包食包住,要帶咁多現金來托咩!

3. 背包友易中伏@ 英國

背包客窮遊是常識吧,身上總不會現兜兜帶著一堆紙幣。試過有單身女子背包友帶有不多現金,於短時間內再到當地玩,加上是坐強國航班前往,被扣查24小時再被押送上機遣返。

無錢 入境 原罪 03

阿珍點評:

歐美地區打擊黑工措施嚴厲,幾個中伏原因加起上來就好易byebye。女人尤其啦,落機前唔該補補妝有返眼耳口鼻,但又唔好化太勁以免賣淫味濃,sad。

最新吃喝玩樂資訊