【自助餐放蛇起底組】小欖海邊 任食BBQ 周末$100/位食到嘔!

夏天熱辣辣,最好就是去沙灘曬日光浴嬉水,玩完就可以BBQ醫肚!小欖BBQ場最近有夏日優惠,星期一至五$80/位就可以全日 任食BBQ ,星期六、日都只是$100/位,還可以邊涼風扇邊睇電視,立即同大家睇下有咩食!

假日 任食BBQ $100人頭費 開爐費另收

首先在門口付款後才可入場,每人$80,星期六日都只是$100,開爐費就要另外收費,平日收$30,星期六日則收$40,越多人share一個爐就越抵食!雖然是任燒任食,但其實每個爐只包2包炭,如果用光想再加炭則要另收$16/包。

任食BBQ
在門口先付款後入場,每人收$80,另加$30開爐費。

 

畀完錢職員畀低一疊紙我地,包括開爐紙、汽水紙、餐具紙等。
畀完錢職員畀低一疊紙我們,包括開爐紙、汽水紙、餐具紙等。

付款後職員會把一疊紙仔給我們,包括開爐紙、飲品紙、餐具紙等,燒烤爐不用自己生火透爐,會有專人幫手,夠方便。另外再拿餐具紙出去拿餐具、托盤。除了燒烤叉和碟外,還有一卷紙巾、手套及蜜糖,很齊全!

專人透爐,好快個火就起。
有專人透爐,不用自己來。
專人透爐,好快個火就起。任食包兩包炭,當日我地大概3個鐘先用完一包。
每個爐只包兩包炭,當日我們大概3小時才用完一包。
餐具、托盤都係出面拎,畀張紙姨姨就拎得。
餐具、托盤都在食物部拿。
餐具都幾齊全,有一個大托盤要黎裝嘢食,另外每人有碟、叉、燒烤叉、手套,仲有一卷紙巾同蜜糖連掃。
餐具齊全,有一個大托盤拿生肉,另外每人有碟、叉、燒烤叉、手套,還有一卷紙巾同蜜糖及掃。(大托盤隻手是小編拍照中的手,不是靈異照片!)

食物選擇唔多 牛仔粒最好味

食物在出面拎,不過就不是自助形式,要叫職員夾畀你。選擇不算很多,每款肉類只有1-2款,但味道不錯。最推介山賊牛仔粒,夠腍及香,另外豬頸肉亦夠爽口。

食物係出面拎,有咩選擇一目了然,同職員講要咩佢就會夾畀你。
食物在出面拎,選擇一目了然,但不是自助形式,要叫職員夾給你。
擺放燒烤食物放得整齊,而且肉類賣相亦不錯,每件都大件新鮮,加分。
擺放燒烤食物放得整齊,而且肉類賣相亦不錯,每件都大件新鮮,加分。
山賊牛仔粒推薦!燒到7-8成就食得。
推薦山賊牛仔粒!燒到7-8成熟便可食用。
食落肉質超腍,完全唔會韌得黎入味。不過佢唔係粒粒都咁腍,要睇下好唔好彩啦。
非常入味,肉質超腍,完全不韌。但不是每一粒都軟腍入味,要看你的運氣了。
BBQ就梗係要燒雞翼,雞翼有兩款味可以揀:黑椒、沙薑。
BBQ當然要燒雞翼,雞翼有兩款味可選:黑椒、沙薑。
黑椒上面有好多黑椒粒粒,食落黑椒味好出,但幾惹味。
黑椒雞翼上有很多黑椒粒,一吃黑椒味非常突出,惹味!
雞翼多汁,搽埋蜜糖燒個面夠哂香脆。
雞翼juicy多汁,搽蜜糖上面燒就更香脆。
沙薑雞翼食唔到有沙薑味,而且味道一般,黑椒雞翼完勝!
沙薑雞翼吃不出沙薑味,而且味道一般,黑椒雞翼完勝!
最右手邊果個就係豬頸肉,都係必食!
最右邊是豬頸肉,必食之選!
豬頸肉個樣唔知點解好似三文魚,搽埋蜜糖燒到熟就食得。爽口得黎唔會韌,仲要醃得夠入味,超正!
豬頸肉燒完後賣相勁似三文魚,塗蜜糖燒到熟便可食用。爽口之餘不會韌,醃得夠入味,超正!
喱舊唔知咩黎,應該係牛類,佢超韌而且個味怪怪地,唔推介!
這一款不知是什麼肉,應該是牛類,質感超韌而且有怪味,唔推介!

腸仔用廚師腸 必試燒豆卜、燒賣

BBQ不能缺少的腸仔!這裡的腸仔是廚師腸,正!還有不同的丸類,其中香菇章魚燒最有趣,裡面有肉餡,好Juicy。另外特式食物如豆卜、燒賣,平時燒烤比較少食,豆卜和燒賣同樣外脆內軟,燒賣裡面比平時吃到的更加腍,好有趣。

腸仔是必須的,用上廚師腸,界開幾下搽埋蜜糖就食得,肚餓果時燒就最啱,事關最快熟!
腸仔是必須的,用上廚師腸,切開幾下塗上蜜糖燒兩燒就可以吃了,最啱餓鬼!
另外仲有脆皮腸,個皮都夠脆,味道中規中矩,無咩特別。
另外還有脆皮腸,外皮都夠脆,味道中規中矩。
丸類選擇都有,每邊燒陣搽埋蜜糖再燒就食得。
有丸類可選,每邊燒一燒再塗蜜糖就食得。
香菇章魚丸好特別,咬開入面有肉餡,夠Juicy,外面丸亦彈牙。
香菇章魚丸好特別,咬落去彈牙,入面有肉餡,夠Juicy。
豆卜BBQ比較少食,搣開一半再兩邊燒,外面好香脆入面有豆香。
豆卜BBQ比較少食,搣開一半再兩邊燒,外面好香脆,入面有豆香。

麵包任拿 環境偏熱

除了肉類、丸類外,還可任拎麵包和蒜蓉包,加蜜糖燒就可以食。環境方面,雖然有風扇,但其實都頗熱,當日人流不多,偶有海風吹下會較清涼,如果多人一齊燒應該會幾熱。另外還有些遊戲,例如啤牌等可以買來玩。

麵包、蒜蓉包都係任拎,但蒜蓉包完全食唔到有蒜蓉味。
麵包、蒜蓉包任拎,但蒜蓉包完全吃不到有蒜蓉味。
麵包每邊搽蜜糖就食得,蜜得黎帶點甜。
麵包每邊塗上蜜糖燒一會便可以吃了。
有一邊係有篷同風扇、電視,喱邊近海嘅就用太陽傘。即使有風扇都幾熱,建議坐近海嘅位置會有海風。
燒烤場有一邊是有篷、風扇和電視,而這邊近海的就用有太陽傘。但即使有風扇都幾熱,建議坐有風扇加近海嘅位置,有埋海風會清涼少少。
01
圖片來源:官方網頁
另外亦有娛樂活動。
另外亦有娛樂活動。

總結:不論$80還是$100,任食任燒來計價錢係好平,包2包炭都可以燒到大概6小時,若然你由朝早坐到夜晚不停燒,真的可以食到嘔!食物選擇雖不算太多,但肉類質素幾好,特別是牛仔粒和豬頸肉;丸類亦不錯,還有麵包任拎。環境、設施都OK,但夏天BBQ始終偏熱,如果揀到風扇和近海位其實都OK嘅。

總分:7.5/10

小欖燒烤樂園

地址:屯門青山公路小欖段DD384 LOT253 (顯示地圖
電話:2459 9928
$80任食時段:星期一至五 2pm-1am
$100任食時段:星期六、日及公眾假期 11am-1am

用餐時間:無限時
備註:$30開爐費(星期六、日及公眾假期 $40)

最新吃喝玩樂資訊