東張西望｜路芙做殯儀爆糾紛揭黑幕 與老闆對質 被暗示將被全行封殺
前電台DJ路芙近年積極開拓新出路，早前經朋友介紹接觸殯儀行業，越學越有興趣下決定轉戰殯儀界。今年四月，她透過求職平台應徵一間殯儀公司的經紀（Agent），本以為可以大展拳腳，豈料卻墮入無底薪、被瘋狂扣佣的職場陷阱！最終路芙忍無可忍，向無綫《東張西望》求助，追討血汗錢。
見工變交友 零底薪做掛單經紀
據路芙在節目中透露，見工第一日已經發生相當詭異的事情。老闆竟然約她晚上食飯，更向她表明不打算聘請她。路芙憶述當時情況：「佢第一日就約我去夜晚食個飯啦，點知就約我出嚟，其實我想同你做個朋友咋。吓，我唔會請你咁講。我咁大個嘅年紀呀，見一個我唔識嘅新嘅所謂老闆，會同我講呢個咁樣，我想同你做個朋友。」 最後老闆提議她以「掛單」形式做Agent，即沒有底薪、沒有勞工法例保障，成功開單才有佣金分。路芙當時見該公司裝修如大酒店般高貴舒服，以為老闆做生意「有橋」，於是答應合作。
兼職司機遭瘋狂扣錢 佣金被壓榨仍死忍
入行後，路芙才發現這間公司問題多多。她被要求兼職做司機接載牧師，原本說好四小時四百元，但最後不但超時工作，每次收錢更被無故扣減五十元。路芙大感無奈：「我就覺得呢，係咪好離奇呀？你明白呀？收錢跟住就會永遠得扣你錢嘅。」 更過分的是，到了六月第一次收佣金時，原本說好有15%佣金，公司卻以「其他同事有幫手跟進後續文件」為由，大幅扣減她的佣金，最後只獲發五千多元。路芙當時心想：「算啦，算啦，都搵食呀，係咪？好囉，得啦，搵食艱難。」 決定忍氣吞聲繼續做第二單。
拒簽「霸王合約」遭扣起過萬佣金
直至路芙完成第二單生意，準備收取約10,700元的佣金時，公司竟要求她簽署一份極不合理的合約。合約第十二條列明，若路芙離職或被解僱，未來一年內不准從事任何殯儀相關行業，包括不能做其他公司的Agent、不能與人合資開長生店、不能介紹客戶到其他店舖等。路芙堅拒簽約，並反駁：「你記住窩，我係冇底薪㗎。咁叫你離開跟住唔好做一年嘢呀，咁你唔使食飯呀？即係你的工作就為咗賺錢嘛，係咪先？」她預定要收取的款項約為10,700元，公司卻將佣金降級為「介紹費」，金額大幅下調至兩千元，而她仍然未有收到任何款項。
殯儀公司老闆願付錢了事：冇人會再預你嚟做中介
路芙致電給殯儀公司老闆Carman對質，對方聲稱：「有叫同事搵你簽。」但路芙表示沒有收到通知。殯儀公司老闆表示難以理解路芙不簽合約的原因，最後亦沒有再要求她簽約，並表示：「我要同你傾好點出畀你呀嘛！唔簽冇問題，咁你咪當介紹費囉！」當路芙追問，是否如之前所指，不簽合約就只可收取2,000元的「介紹費」，對方改口表示：「你冇話唔畀錢你，你要過嚟同我簽係介紹人，我條數要出（記帳）㗎嘛！冇人會再預你嚟做中介，你都唔會做喇，大家關係搞成咁，我而家冇話唔畀錢你，你簽咗係介紹人，收咗錢咪大家bye bye囉！你要而家呢個錢，咪呢個錢囉，一萬零幾囉！」
質疑老闆前言不對後語
路芙指，對方早點說明可以付清萬元佣金即可，「咁點解你唔喺第二單嘅情況之前（提出），之前我接返嚟，你就應該同我講：『喂，要先簽合約先，簽咗合約，先至同你做第二單。如果不簽合約，就當你介紹。』你講呢句嘛，講呢句咪無事囉！但你唔係嘛，我做晒所有嘢，連啱啱過去嘅日子，啱啱前幾日做埋上位，我做晒所有嘢，你都唔畀錢嘛！」
老闆發火：你要咁樣搞，你都唔使做殯儀㗎喇！
殯儀公司老闆Carman得知路芙「報東張」更為激動，更疑似暗示路芙搞大件事將會被全行封殺：「你唔使搵《東張西望》，路芙都係有名氣嘅人，你要咁樣搞，你都唔使做殯儀㗎喇，你唔使搵《東張西望》嚟大我，我不嬲都冇話唔畀錢你，冇呃你錢，大家白紙黑字講好……揸車幾錢又係……」路芙此時在鏡頭前搖頭表示不同意，最後她亦按捺不住怒火，大聲要求對方直接開支票：「總之好簡單，你講，你𠵱家無論介紹費又好，咩費用都好，10,700 蚊係咪畀我嘅？寫定張支票影畀我睇，得唔得？無謂嘥時間啦，你影張支票畀我，麻煩你，好無？」
路芙成功追回佣金 揭殯儀業黑幕
雖然對質過程火藥味甚濃，但幸好在節目介入及跟進下，殯儀公司最終妥協出票，路芙成功追回10,714元的應得佣金。路芙在節目尾聲無奈嘆息，指聽聞殯儀業內一直存在這些黑幕：「我覺得這個行業，有啲離奇囉，就會做咗，會 cut 咗你啲錢，或者唔畀錢。」 幸好事件在《東張》介入後五天，路芙終於收到支票。
網民批路芙「轉數慢」：明知有古怪仲送上門？
雖然路芙最終成功追回欠款，但節目播出後，網民的焦點卻落在路芙的應變能力上，反應相當兩極。不少網民質疑她為何一早察覺不妥卻依然「送上門」，留言嘲諷：「你都話第二次見就想同你做朋友覺得奇怪，你仲幫佢做中介？既然又唔係正式員工，跟住咁多不平等待遇，你仲唔走？明白中老年搵工唔易，但都唔駛委屈自己，唔通你次次都搵東張咩？」 亦有人直指：「聽你講嘢唔似係轉數慢嗰啲人，但係點解人哋話淨係想同你做朋友都仲中過頭埋去？」 至於引發爭議的「霸王合約」，有部分網民則認為行規如此，並非完全不合理：「其實好多行離職之後都有冷靜期。」 看來路芙今次雖然追回佣金，但在網民眼中卻輸了精明！
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
