女神配對計劃 2｜CEO Tony水戰意外跑出！腳軟墮海雖敗猶榮 網民激讚：原來佢咁搞笑

Tony自認最弱孭Kanis腳震 最終不戰而敗勁爆笑

在「水上騎膊馬」大混戰中，身形瘦削的「笑笑口 CEO」Tony賽前已被睇低一線，連他自己亦坦言「完全唔識游水」，並自封「全場最弱」：「我本身體重較輕，叫我孭幾十 Kilo，再做深蹲係有啲困擾。」當他孭起拍檔Kanis時，弱點便表露無遺，Kanis事後也笑言：「我一上去就 Feel 到佢腳震。」果不其然，比賽開始後不久，Tony便因體力不支而雙腳顫抖，最終更因腳軟而自行跌落水，導致Kanis「不戰而敗」，場面既狼狽又搞笑，瞬間成為全場焦點。

網民大讚Tony真性情有喜感 「笑到我流眼淚」

雖然Tony在遊戲中迅速落敗，但他論論盡盡卻依然全力以赴的模樣，反而大受網民歡迎，認為他展現了真實有趣的一面，紛紛留言大讚他充滿綜藝感。「笑到我流眼淚」、「佢啲真性情真係幾搞笑」、「Tony 好得意」、「一向都覺得佢好有喜感」、「Tony 同 Kanis 都好有綜藝感」、「Tony 有勇氣同埋願意為鍾意嘅人付出。」