香港迪士尼遊記@阿CHEAP

生活

廣告

最近去咗次迪士尼,有幸見到維修中的城堡!

城堡畀幾塊板圍住,上面印咗城堡個樣同藍天背景
違和感超強,成張PS退地失敗嘅合成相咁,太可愛了!

一心想要來影城堡的人會很失望吧(有這樣的人嗎?
那平面城堡讓人好想同佢瘋狂PS,退地乜乜乜
不過建築物的維修保養很重要,要圍起嚟搞都係冇辦法嘅事
喺塊板度印返個城堡出嚟其實都幾貼心啦

講開迪士尼,其實我唔係幾識欣賞佢哋啲公主嘅美貌,淨係覺得佢哋個個都戚起對眼,同埋眼眉很靈活
不過迪士尼動物類的角色都幾可愛

喺主題公園啲餐廳食嘢預咗貴,但呢個份量未免太細!

有啲遊戲設施有得攞FASTPASS,大家記得攞,排少好多隊㗎(貼心提示
有啲設施明明可以攞FASTPASS,但還是有一堆人打晒蛇餅咁排,他們可能沒留意可以攞FASTPASS吧

迷離莊園幅立體視錯馬賽克畫顏色好淺,而且表面光滑所以極反光,可以話係咩都睇唔到,FAILED!
(就算夜少少太陽冇咁猛再瞓都係咩都睇唔到)

灰熊光谷有個地方會噴水,一噴水就有條超明顯嘅彩虹出現(比剛才幅畫嘅視錯效果明顯
大家不妨去等下佢噴水

飛越太空山等上車嘅位置有條異形JJ!!!(其實只是火箭,但佢嘅形狀實在很難讓人不往那方面諗
然後玩的時候裡面很黑,我一路玩一路好擔心前面嘅乘客會唔會身上有啲咩甩咗撞埋嚟…(很多慮
還有這過山車真係非常「拋」和「篩」(大家懂我意思嗎?),加上四面很黑,讓人好擔心自己會喺轉彎位飛出去/撞到嘢

小小世界冇開,有點失望
而我不知點解個告示牌要放到咁遠,遊客特登行埋去睇佢寫乜會火大吧

城堡旁邊有個好中國風嘅許願井,但後面明明係白雪公主

然後裡面有好多錢,還有其他國家嘅硬幣
到底為什麼要丟錢進去,是許願嗎?但這擺明是裝飾不能幫你實現願望呀!(好吧,大家高興就好

然後退地失敗的城堡存在感超強,即使你沒有想要拍它,它還是很搶戲(石中寶劍被比下去了

PS的痕跡在晚間比日間更明顯

更會擋視線,讓你看不到煙花
大家快啲趁城堡維修去同個假城堡影相吧!

PS 晚上花車巡遊過後基本上機動遊戲都冇咩人排隊玩了
所以不喜歡排隊的人不妨等到花車時間至去玩機動遊戲
因為唔使花時間排隊的關係,眨下眼就可以玩齊多個日頭排到打晒蛇餅嘅熱門機動遊戲,感覺非常爽
但如果你想趕返去城堡睇煙花就要小心睇住時間了

延伸閱讀:聖誕收數佬@阿CHEAP